I Pier 1:8 - Sră Goh 2018

⁸ Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Pier 1:8 Referans Kwoze

Jang 20:29

Yàng Jesu đơs lah: “Bơh mê neh gŏ Añ gen tàng mê dòn. Lơngai ală cau in òhềt gŏ mơya neh dòn.”

II Kôrintô 5:7

bơh bol he cơnđòa lòt bơh bơta dòn, ò di bơh mat gŏ.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Hebrơ 11:1

Bơta dòn la bơta git nền cê he rơp geh bơta he gơn kơnòm, la cơng tàng bơh bơta he òhềt gŏ.

Jang 16:22

Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

II Kôrintô 4:18

Bơh bol he ò ơn nùs kơlôi di bơta gŏ mơ mat, mơya ơn nùs kơlôi di bơta ò gŏ mơ mat; bơh ală bơta gŏ mơ mat la ing lơm, mơya ală bơta ò gŏ mơ mat la gam sùm sùm.

I Pier 1:6

Hòn chò tĕ bơh bơta hơ̆, bulah tŭ do oh mi pal kong li bơta gơlòng bòl glar tòm dô êt jŏ,

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Philip 1:25

Añ gơs bơta dòn nền hơ̆ gen añ git lah añ kư̆ gam ơm bal mơ jơh ală oh mi, nàng dong oh mi geh ntoat tơngguh mơ hòn chò tòm bơta dòn;

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Jang 14:24

Ai cau lơi ò kòñ gơboh di Añ gen ò prap gàr ală jơnau Añ jê; mơ jơnau bol mê kơno hơ̆, ò di la jơnau Añ jê, mơya la jơnau Bèp dê, la Bơtau neh sồr Añ lòt tus.

Jang 8:42

Yàng Jesu đơs lah: “Dilah Yàng Tom Trồ la Bèp bol mê gen bol mê rơp kòñ gơboh di Añ, tài bơh Añ lik bơh Yàng Tom Trồ mơ bơh Kơnràñ mơ tus; bơh Añ ò di tus is Añ jê ò, mơya să tòm Kơnràñ neh sồr Añ lòt tus.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

II Kôrintô 12:4

geh cèng guh tus hơ lơgar lơngap lơngai Yàng Tom Trồ dê, tềng hơ̆ khai kơno ală jơnau ò rgơi yal, mơ cau lơi kung ò geh gơnoar yal wơl sơl.

II Kôrintô 9:15

Ưnngài tĕ Yàng Tom Trồ, bơh bơta ai gòi Kơnràñ dê ò git jơh!

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

Broă 16:34

Cau at bồ hìu jàm jà bàr nă ồng guh tòm hìu khai dê mơ rcang yò sào. Khai mơ jơh hìu nhă hòn chò ngan bơh neh dòn Yàng Tom Trồ.

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Jang 14:15

“Dilah bol mê kòñ gơboh di Añ, gen rơp prap gàr ală bơta sồr lam Añ jê.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

Đơs Chò 5:9

Ơ cau hàng mơnĕ rlau jơh tòm ală cau ùr, Ñchi cau kòñ gơboh ai dê gơs rlau mơ cau kòñ gơboh ndai? Ñchi cau kòñ gơboh ai dê gơs rlau mơ cau kòñ gơboh ndai taih? Mơ ai jà bơklơn bol hi kàr hơ̆ taih?

Đơs Chò 1:7

Ơ cau mơ nùs añ kòñ gơboh, yal tĕ añ in git, ntềng đah mê ê mpồl mê dê, ntềng đah mê ai gơ in bic rlô tòm tŭ trồ gùl ngai taih; Ñchi bơh tài añ pal be dô nă cau ùr cang muh mat; ơm di gah mpồl ală cau bơyô mê dê taih?

Ephesô 3:19

mơ geh git bơta kòñ gơboh Bơtau Krist dê la rlau mơ bơta git wă, tồ oh mi in geh bềng lìu bơta bềng tơl Yàng Tom Trồ dê.