I Pier 1:12 - Sră Goh 2018

¹² Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Pier 1:12 Referans Kwoze

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

I Kôrintô 2:10

Ală bơta hơ̆ Yàng Tom Trồ neh yal tơlik gan di Yàng Hwềng Goh; bơh Yàng Hwềng sền sơwì jơh ală bơta, bulah bơta jrô ndơp Yàng Tom Trồ dê.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Jơnau Niam Jat Mak 16:15

Kơnràñ đơs mơ bol khai lah: “Lòt tĕ làm jơh dunnia, bơto yal Jơnau Niam jơh ală làng bol in.

I Pier 1:25

Mơya jơnau đơs Yàng dê gam sùm sùm.” Mơ jơnau hơ̆ la Jơnau Niam neh geh bơto yal oh mi in.

Yal Tơlik 5:11

Lồc behơ̆ añ sền gŏ, mơ kơno jơnau oă ngan cau gơnrơh gùt dar sơbàn, ală phan wìn kis mơ ală cau kwang kra, ò git nđò tơlak tơmàn cau gơnrơh.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Galati 1:16

mơ niam nùs yal tơlik Kòn Kơnràñ dê tòm añ, tồ añ in bơto yal bơh Kòn hơ̆ digùl làng bol bơdìh, gen añ ò càng bơyai mơ cau lơi.

Galati 1:12

bơh añ ò dòp mơ kung ò bơtê Jơnau Niam hơ̆ bơh dô nă cau lơi, mơya neh dòp geh bơh jơnau yal tơlik Yàng Jesu Krist dê.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

Luka 9:6

Gen ală cau bơtê lik lòt làm ală ƀòn, bơto yal Jơnau Niam mơ sơmbòi kòp jê tòm làm bă tiah.

Luka 2:26

Khai neh gơs Yàng Hwềng Goh yal tơlik is lah, khai rơp ò chơt lài mơ tŭ gŏ Bơtau Krist Yàng dê.

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 8:13

Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Esai 32:15

Jơl tus di tŭ Hwềng bơh tiah jơnhoa tuh hơđang bol he, mơ ƀlàng ngềt ngơt gơlik gơs sre bềng plai, mơ sre bềng plai gơlik gơs be dơr brê.

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Lik Ejiptơ 25:20

Ală ceruƀim gơs ală pơnđar pò hơđang bồ, jơm ndơp bơnap bơta nđàc. Ală ceruƀim wèt tòm toh mat bal, wèt sền di bơnap.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Rôma 1:15

Behơ̆ gen, añ jơh nùs jơh pràn rcang sir nàng bơto yal Jơnau Niam oh mi in, la cau ơm tòm ƀòn Rôma sơl.

Broă 16:10

Tòm tŭ Pol gŏ bơta gơtơnggŏ rau, tŭ hơ̆ mo bol hi rcang nàng tus hơ Masedoan, bơh dòp git nền lah Yàng Tom Trồ hòi sac bol hi bơto yal Jơnau Niam ală cau ơm tềng hơ̆.

Broă 10:44

Tòm tŭ Pier gam đơs ală jơnau do gen Yàng Hwềng Goh mù hơđang tơl nă cau ơm iat jơnau Yàng.

Broă 8:25

Tơnơ̆ mơ tŭ neh lơh cơng mơ yal jơnau Yàng dê, Pier mơ Jang rê wơl hơ Jerusalem, rê ndang bơto yal jơnau niam ndang tòm oă ƀòn cau Samari dê.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 4:8

Tŭ hơ̆ Pier bềng lìu Yàng Hwềng Goh mơ đơs lah: “Ơ ală cau kwang làng bol dê mơ ală cau kwang kra,

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Pier 4:6

Tài bơh bơta hơ̆ mơ Jơnau Niam kung neh geh bơto yal cau chơt in, tơnơ̆ mơ tŭ neh kong cahrña đah poac să jat be kòn mơnus, nàng bol khai geh kis đah hwềng jat be Yàng Tom Trồ.