I Jang 3:8 - Sră Goh 2018

⁸ Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 3:8 Referans Kwoze

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Jang 16:11

Bơh bơta cahrña, tài bơh bơtau dunnia do neh kong cahrña rau.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Luka 10:18

Kơnràñ đơs mơ bol khai lah: “Añ neh gŏ cà Satan bơh đang trồ dùh be puhlèp.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Yal Tơlik 20:10

Ai cà ràk la cau neh pơrlồm bol khai gen kong sơrbì tòm brong ồs hơng mơ siau; tềng hơ̆ neh gơs phan poan jơng mơ cau gơnoar hwơr ma blac rau. Bol khai rơp kong jê sồt bòl glar ngai mơ mang jơl sùm sùm ò lồi.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

I Jang 3:5

Mơya oh mi git lah Kơnràñ neh tơlik să nàng tă sang tồi glài; tòm Kơnràñ ò gơs tồi glài lơi.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Mathiơ 4:3

Gen cà ràk la cau ơniai tus đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ ală lŭ do gơlik gơs piang lă.”

Mathiơ 12:28

Mơya dilah Añ kơnòm dê Hwềng Yàng Tom Trồ dê nàng bơtrơh cà, gen lơgar Yàng Tom Trồ dê neh tus hơ bol mê rau.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

Khà Làng Bol 21:9

Behơ̆ Môise lơh gơs dô nơm bơs mơ kòng yồng hơđang dô nơm jrong. Gen tòm tŭ cau lơi neh bơs kap mơ tơnggòr sền di bơs kòng gen khai geh kis.