I Jang 3:15 - Sră Goh 2018

¹⁵ Cau lơi gơjrañ kơuềng di oh mi he gen cau hơ̆ la cau tơnchơt cau; oh mi git lah ò gơs dô nă cau lơi tơnchơt cau geh bơta kis gam sùm sùm ơm tòm khai.

I Jang 3:15 Referans Kwoze

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Broă 23:14

Bol khai lòt tus hơ ală cau gơnoar lam bồ ơn phan duh khoai mơ ală cau kwang kra mơ đơs lah: “Bol hi srat să bal lah ò sào sa jơl tus di tŭ geh tơnchơt Pol.

Jakơ 1:15

Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.

Broă 23:12

Tus diàng, cau Juda dô nùs bal bơtào kai gơrmơ̆i. Bol khai srat să lah rơp ò sào ò hùc jơl tus di tŭ neh tơnchơt Pol.

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jơnau Niam Jat Mak 6:19

Herôdias gơjrañ di Jang, kòñ tơnchơt khai, mơya ò rgơi,

Mathiơ 5:28

Mơya Añ đơs mơ bol mê, dilah cau lơi sền cau ùr mơ gơs nùs hàm kòñ di khai, gen tòm nùs neh tìs glài rềs àr bơrnàn mơ khai rau.

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

I Pier 1:23

Oh mi neh geh deh wơl pa, ò di bơh gar sơntìl ồm lề, mơya bơh gar sơntìl ò ồm lề, hơ̆ la jơnau kis gam sùm mơ nền cê Yàng Tom Trồ dê.

Yal Wơl 19:11

Mơya dilah dô nă cau gơjrañ kơuềng di cau ơm rềp mơ khai, kơp mòc nàng lơh mơ tơnchơt cau hơ̆, lồc behơ̆ ntoat dô tus hơ dô nơm tòm ală ƀòn dờng do,

I Jang 2:9

Cau lơi đơs lah he ơm tòm bơta àng, mơ gơjrañ kơuềng di oh mi he, gen gam ơm tòm bơta klam jơngo.

I Jang 2:11

Mơya cau lơi gơjrañ kơuềng di oh mi he, gen ơm tòm bơta klam jơngo, lơh lòt tòm bơta klam jơngo, mơ ò git ntềng đah he lòt tài bơh bơta klam jơngo neh lơh jơngo mat khai dê.