I Jang 3:13 - Sră Goh 2018

¹³ Ơ oh mi, dilah dunnia gơjrañ kơuềng di oh mi, gen bañ ai lơh krơi.

I Jang 3:13 Referans Kwoze

Jang 17:14

Añ neh ai jơnau Bèp dê bol khai in, mơ dunnia gơjrañ di bol khai tài bơh bol khai ò bal mơ dunnia, kung be Añ ò bal mơ dunnia sơl.

Luka 21:17

Bol mê rơp gơkòl jơh ală cau gơjrañ kơuềng tài bơh sơnđan Añ.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

II Timôthe 3:12

Ngan, jơh tơl nă cau kòñ kis dô bă duh rngòt tòm Yàng Krist Jesu, gen rơp gơkòl kup kơryan.

Jơnau Niam Jat Mak 13:13

Bol mê rơp gơkòl jơh ală cau gơjrañ kơuềng tài bơh sơnđan Añ, mơya cau lơi kơ̆ nùs jơl tus di lồi dut gen rơp geh dong klàs.”

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Mathiơ 24:9

Tŭ hơ̆ cau rơp tơmut bol mê tòm bơta rung rài mơ tơnchơt; bol mê rơp kong jơh ală làng bol gơjrañ kơuềng bơh sơnđan Añ.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Cau Bơto 5:8

Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Broă 3:12

Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 3:7

Bañ ai lơh krơi bơh bơta Añ neh đơs mơ mê: ‘Ală bol mê pal deh wơl pa.’

Yal Tơlik 17:7

Mơya cau gơnrơh đơs mơ añ lah: “Mbe mê ai lơh krơi behơ̆ taih? Añ rơp yal tơlik mê in bơta ndơp ndơr bơh cau ùr mơ bơh phan poan jơng pơdiang khai, la phan poan jơng gơs poh nơm bồ mơ jơt nơm ngke.

Jơnau Pơnđik 29:27

Cau rkwet rkwe lơh cù kìr cau song ring in; mơ cau lơh lòt song ngan lơh cù kìr cau iơh bơsak in.