I Jang 3:12 - Sră Goh 2018

¹² Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 3:12 Referans Kwoze

Hebrơ 11:4

Bơh bơta dòn Abel ơn Yàng Tom Trồ in dô nơm phan ơn duh khoai dờng màng rlau mơ phan Kain dê, mơ khai neh geh lơh cơng la song ring, bơh Yàng Tom Trồ dòp phan ơn khai dê; bơh bơta dòn, bulah khai neh chơt rau mơya gam đơs.

Jơnau Pơnđik 29:27

Cau rkwet rkwe lơh cù kìr cau song ring in; mơ cau lơh lòt song ngan lơh cù kìr cau iơh bơsak in.

Sơnròp Gơlik Gơs 4:25

Adam ơm bal tai mơ bau khai, mơ khai deh dô nă kòn klau sơnđan la Set; bau ùr đơs lah: “Tài bơh Yàng Tom Trồ neh ai añ in dô nă kòn klau ndai ala Abel mơ Kain neh tơnchơt rau.”

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

Luka 11:51

bơh mhàm Abel jơl tus di mhàm Sacari, la cau neh gơkòl tơnchơt digùl cơnòng duh khoai mơ hìu duh khoai. Di ngan Añ đơs mơ bol mê, rơp kư̆ lùp wơl mhàm hơ̆ di jơi bơtiàn do,

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.

Jơnau Pơnđik 29:10

Cau lơh gơtuh mhàm gơjrañ cau wil tơl; mơya cau song ngan prap gàr bơta kis khai.

I Pier 4:4

Bol khai gŏ oh mi tŭ do ò jat bol khai lơh bơta gơlềng gơlàng ală alai hơ̆, gen bol khai ai lơh krơi mơ đơs iơh di oh mi,

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

Đơs Crih 38:20

Ală cau ai bơta iơh tơm bơta niam añ in, Kung la cau sòdră di añ, tài bơh añ jat bơta niam.

Đơs Crih 37:12

Cau iơh bơsak kơlôi lơh iơh tòmdră di cau song ring, Mơ rkiat sề di bol khai;

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Jang 10:32

Yàng Jesu đơs mơ bol khai lah: “Añ neh ràng tơlik bol mê in oă broă niam bơh di Bèp; behơ̆, bơh broă lơi ală bol mê cơm lŭ di Añ taih?”

Mathiơ 27:23

Cau kwang lùp lah: “Ñchi broă iơh bơsak Cau do lơh taih?” Mơya bol khai sơlo driau dờng ngan lah: “Pơng tĕ Khai di chi pơng!”

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.

I Tesalônika 2:14

Ơ oh mi, oh mi ngan neh gơlik gơs cau đòm jat ală Hìu Jum Goh Yàng Tom Trồ dê tòm Yàng Krist Jesu, tòm Jude, bơh oh mi neh kong ală cau lơgar tòmlơh bòl glar, kung be ală Hìu Jum Goh hơ̆ neh kong cau Juda lơh bòl glar.

II Samuel 13:22

Apsalôm ò đơs dô jơnau lơi mơ Amnôn bulah la niam hala iơh; bơh khai gơjrañ di Amnôn tài bơh Amnôn neh bic bơklơn Tamar, oh ùr khai dê.

Jơnau Pơnđik 27:4

Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

Mathiơ 5:37

Mơya bol mê pal đơs: ‘Di, di’ hala ‘Ò, ò’ la tơl rau. Đơs rlau mơ ală jơnau do la gơlik bơh cà iơh.”

Jang 8:40

Mơya tŭ do bol mê jòi nàng tơnchơt Añ, la cau neh yal bol mê in jơnau song neh kơno bơh Yàng Tom Trồ; Abraham ò gơs tŭ lơi lơh bơta hơ̆!

Jang 8:41

Bol mê lơh broă bèp bol mê dê.” Bol khai đơs lah: “Bol hi ò di la kòn tir; bol hi gơs mìng dô nă Bèp la Yàng Tom Trồ.”