II Timôthe 1:10 - Sră Goh 2018

¹⁰ tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

II Timôthe 1:10 Referans Kwoze

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

Sră Pơyoa Pol Dê Pơyoa Tit In 2:11

Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

I Kôrintô 15:26

Cau sò tơm lồi dut rơp kong tơnroh hơ̆ la bơta chơt.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

II Timôthe 1:1

Pol la cau gơnoar bơto dờng bơh Yàng Jesu Krist, jat nùs kòñ Yàng Tom Trồ dê, mơ jat jơnau ho pơgon bơh bơta kis tòm Yàng Krist Jesu,

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Sră Ôse 13:14

Añ rơp dong bol khai klàs bơh gơnap gơnoar lơgar làng ƀồc. Añ rơp tơwài bol khai klàs bơh bơta chơt sơl ơ? Ơ bơta chơt, ntềng đah bơta rung rài mê dê taih? Ơ lơgar làng ƀồc, ntềng đah bơta tơnroh mê dê taih? Bơta nđàc sơngit neh pồn ndơp bơh di mat Añ.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.

Yal Tơlik 18:1

Tơnơ̆ mơ hơ̆, añ gŏ dô nă cau gơnrơh ndai mù bơh đang trồ, gơs gơnoar dờng ngan; bơta gơklŏ khai dê àng gơcrà làm jơh plai ù.

Yal Tơlik 2:7

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai sa plai chi bơta kis tòm lơgar lơngap lơngai Yàng Tom Trồ dê.’”

II Pier 3:2

tồ oh mi in kah jơnau ală cau gơnoar hwơr sàng goh neh đơs lài, mơ bơta sồr lam Yàng dê la Yàng Dong Klàs neh kơnòm di ală cau gơnoar bơto dờng oh mi dê yal wơl.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

II Pier 1:3

Gơnap gơnoar sàng goh Yàng Tom Trồ dê neh ai bol he in jơh ală bơta gơrê bal mơ bơta kis mơ bơta duh rngòt, kơnòm di bơta dòp git Kơnràñ la Bơtau neh hòi sac bol he tòm bơta gơklŏ mơ bơta kơ̆ dơn Kơnràñ dê.

Hebrơ 10:32

Kah tĕ ală ngai lài òr, tơnơ̆ mơ tŭ oh mi neh geh pơnđàng sòl rau, gen kong jai tòm bơta tòmlơh dờng bơh ală bơta jê sồt bòl glar,

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Galati 5:4

cau lơi tòm oh mi kòñ kơnòm di bơta boh lam tồ geh kòp la song ring, gen oh mi neh cah is bơh Bơtau Krist, tìs nrah bơh di bơta nđàc Yàng Tom Trồ rau?

II Kôrintô 5:4

Bol he rac ròc mơ kơnjơ̆ kơnjut tòm tŭ gam ơm tòm hìu ing do, bơh bol he ò di kòñ hồ bơta do mơya kòñ soh bơta ne tai, nàng bơta lơi òs chơt gơkòl bơta kis sa loan.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Rôma 6:6

Bơh git lah cau yau bol he dê neh kong pơng hơđang chi pơng bal mơ Kơnràñ, tồ să jan tồi glài dê kòl tơnroh, mơ bol he ò gam lơh gơs dĭ gơna tồi glài tai,

Rôma 3:31

Behơ̆, bol he tài bơh bơta dòn mơ lơh bơta boh lam gơlik gơs ò kwơ ơ? Ò di behơ̆ ò! Gơpơrlơ̆ wơl, bol he lơh kơ̆ nền bơta boh lam.

Broă 13:23

Bơh jơi bơtiàn Dabit, Yàng Tom Trồ neh tơngguh làng bol Israel in dô Bơtau Dong klàs hơ̆ la Yàng Jesu, be Kơnràñ neh ho.

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 5:40

Bulah behơ̆ bol mê ò bài lòt tus hơ Añ nàng geh bơta kis!

Jang 4:42

Bol khai đơs mơ cau ùr hơ̆ lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Luka 13:7

gen đơs mơ cau sền gàr suơn lah: ‘Ne, neh pe nam do, añ lòt tus jòi plai di chi ƀal do mơ ò gŏ. Kơl tĕ gơ; ñchi bơh tài lòi gơ tìm gòi ù behơ̆ taih?’

Luka 11:36

Gen behơ̆ dilah jơh să jan mê la àng loh, ò gơs pơnah lơi klam jơngo, gen rơp àng làm jơh, kung be bơta àng đèng pơnđàng mê in sơl.”

Luka 2:11

hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Esai 45:15

Ngan, Kơnràñ la Yàng Tom Trồ pồn is să Kơnràñ; Ơ Yàng Tom Trồ Israel dê mơ la Bơtau Dong Klàs,

Esai 43:3

Bơh Añ la Jehôwa Yàng Tom Trồ mê dê, Bơtau Sàng Goh Israel dê, Yàng Dong Klàs mê dê. Añ ai Ejiptơ lơh gơs phan tơwài mê, Ethiôpi mơ Seba lơh gơs phan ala mê.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Yal Tơlik 20:14

Gen bơta chơt mơ lơgar làng ƀồc kong sơrbì tòm brong ồs. Brong ồs la bơta chơt dơ̆ bàr.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 4:1

Di đap Yàng Tom Trồ mơ di đap Yàng Krist Jesu la Bơtau rơp cahrña cau kis mơ cau chơt, añ bơh bơta tơlik mat Kơnràñ dê mơ bơh lơgar Kơnràñ dê mơ bơto kràñ cê mê in lah:

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.