II Samuel 4:4 - Sră Goh 2018

⁴ Jônathan, kòn klau Sol dê, gơs dô nă kòn klau gơlte bàr đah jơng. Khai neh pram nam, tòm tŭ kơno jơnau yal bơh Sol mơ Jônathan tus bơh Jejreel. Cau ròng khai yò khai nàng dô pleh, mơya tòm tŭ khai ntoat dô sơrbac sơrbang, khai gơplơ̆ mơ gơlik kwet gơlte. Sơnđan khai la Mephibôset.

II Samuel 4:4 Referans Kwoze

II Samuel 9:3

Bơtau lùp lah: “Gơs cau lơi gam wơl bơh hìu Sol dê nàng añ rgơi yal tơlik bơta nđàc Yàng Tom Trồ dê khai in sơl ơ?” Jiba ho cau bơtau lah: “Gam gơs dô nă kòn klau Jônathan dê; khai gơlte bàr đah jơng.”

I Yal Yau 9:40

Kòn klau Jônathan dê la Merip Baal, Merip Baal la bèp Mika.

I Yal Yau 8:34

Kòn klau Jônathan dê la Merip Baal, Merip Baal la bèp Mika dê.

II Samuel 9:6

Mephibôset kòn klau Jônathan, sau Sol dê neh tus hơ Dabit gen drup mat tòm ù mơ khoai khai. Dabit đơs lah: “Ơ Mephibôset!” Khai ho lah: “Gơs añ do la cau duh broă bơtau dê.”

I Samuel 29:11

Behơ̆ Dabit mơ ală cau khai dê guh gòñ bơh drim rê wơl hơ ù tiah cau Philistin, mơya cau Philistin neh guh hơ Jejreel.

I Samuel 29:1

Tŭ hơ̆ cau Philistin pơjum jơh ală mpồl ling bol khai dê tòm Aphek, mơ cau Israel lơh sàl di gah dà croh tòm Jejreel.

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

II Samuel 9:13

Mephibôset ơm tòm Jerusalem tài bơh khai sa di cơnòng bơtau dê sùm, mơ khai gơlte jơh bàr đah jơng.

I Ală Bơtau 11:17

Mơya Hadat neh ntoat dô hơ lơgar Ejiptơ bal mơ dô êt cau Edôm, la dĭ gơna bèp khai dê; tŭ hơ̆ Hadat gam kơnòm să.