II Samuel 3:34 - Sră Goh 2018

³⁴ Tê mê ò kòl kơt, jơng mê ò dò che sreng; Mê gơpừ chơt be dô nă cau gơpừ chơt di đap cau iơh bơsak.” Mơ jơh làng bol ñìm tai.

II Samuel 3:34 Referans Kwoze

Sră Ôse 6:9

Be ală cau ntung kơñau kơp mòc cau lòt gan, ală cau gơnoar ơn phan duh khoai kung dô bơnòr bal behơ̆, bol khai tơnchơt cau tòm gùng lòt hơ Sicem, bol khai gơtơmut tòm tồi glài iơh bơsak gơlềng gơlàng ơlă ơlai.

Sră Jop 24:14

Cau tơnchơt cau ñă ntào tòm kơmbuh ù, tơnchơt cau rƀah mơ cau siơ̆u siar, mơ tòm trồ mang bol khai be cau kơñau.

II Samuel 1:12

Bol khai pơt wòl ñìm rac, mơ ơt sa jơl tus di trồ mho bơh Sol, bơh Jônathan kòn klau khai, bơh làng bol Yàng Jehôwa dê, mơ bơh hìu Israel, tài bơh bol khai neh kong sreh tơnchơt bơh đào.

Ală Kwang Cahrña 16:21

Ală cau Philistin kup khai, kơlwĕ mat khai mơ cèng khai mù hơ Gaja, mơ tơndò khai in mơ gơsàng kòng mơ sồr khai pơdar mpal lŭ piah tòm hìu jàm.

II Samuel 3:33

Cau bơtau ñìm ƀồc Apner mơ đơs lah: “Apner pal chơt kung be cau bơrngơl chơt sơl ơ?

II Samuel 3:35

Gen jơh làng bol tus rềp mơ dan Dabit sa dô êt phan sa tòm tŭ trồ gam ngai; mơya Dabit srat să lah: “Dan Yàng Jehôwa lơh añ dô bă kơnjơ̆ rlau jơh, dilah añ sa piang lă hala phan sa lơi ndai lài mơ tŭ mattơngai mut!”

Ejekiel 32:16

Do la jơnau ñìm rac mơ bol khai rơp rac bơh gơ. Ală cau ùr ală lơgar dê rơp rac gơ; Ejiptơ bal mơ ală mpồl làng bol oă gơ dê rơp rac gơ,’ Jehôwa Yàng Tom Trồ đơs behơ̆.”