II Samuel 3:13 - Sră Goh 2018

¹³ Dabit ho lah: “Niam, añ rơp lơh dô bơta ho bal mơ mê. Mơya añ gơs dô bơta dan mơ mê: Mê rơp ò tơlik mat di đap añ, dilah mê ò cèng Mikal, kòn ùr Sol dê, tòm tŭ mê tus tìp añ.”

II Samuel 3:13 Referans Kwoze

Sơnròp Gơlik Gơs 43:3

Juda đơs lah: “Cau neh đơs nền mơ bol hi lah: ‘Dilah oh put ò mù bal mơ bol mê, gen rơp ò tŭ lơi bol mê gŏ mat añ.’

I Yal Yau 15:29

Tòm tŭ Đài Ho Bal Yàng Jehôwa dê tus tòm ƀòn dờng Dabit, Mikal kòn ùr Sol dê sền bơh mpồng dềt. Mơ tòm tŭ khai neh gŏ bơtau Dabit tòmya hòn chò gen khai sền òsơp di Dabit tòm nùs khai dê.

Sơnròp Gơlik Gơs 44:26

Mơ bol hi đơs lah: ‘Bol hi ò rgơi mù, mơ dilah oh put lòt bal gen sồng bol hi khin mù, dilah ò gen bol hi ò geh tìp mat mơ cau hơ̆.’

Sơnròp Gơlik Gơs 44:23

Mơya kơnràñ sồr: ‘Dilah oh put ò jat ală bol mê mù hơ do gen ală bol mê ò gŏ mat añ tai.’

II Samuel 3:12

Apner sồr cau kong sồr lòt tus hơ Dabit tòm Hebrôn mơ đơs lah: “Lơgar rơp gơrê mơ ñcau taih? Lơh tĕ dô bơta ho bal ồng dê mơ añ, gen añ rơp dong cèng jơh Israel tus hơ ồng.”