II Samuel 22:1 - Sră Goh 2018

¹ Dabit đơs ală jơnau đơs chò do Yàng Jehôwa in, tòm tŭ Yàng Jehôwa neh dong klàs khai bơh di tê ală cau sò tơm khai dê, mơ klàs bơh di tê Sol.

II Samuel 22:1 Referans Kwoze

Ală Kwang Cahrña 5:1

Tòm ngai hơ̆ Debôra mơ Barak kòn klau Abinôam đơs bơta đơs chò do:

Lik Ejiptơ 15:1

Gen Môise mơ cau Israel đơs chò bơta đơs chò do Yàng Jehôwa in: “Añ rơp đơs chò Yàng Jehôwa in, bơh Kơnràñ geh bơta gơklŏ pha lin rlau. Kơnràñ neh sơrbì tòm dàlềng ơseh mơ cau hào ơseh.

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

Đơs Crih 34:19

Cau song ring gơkòl oă bơta bòl glar kalke, Mơya Yàng Jehôwa dong tă khai bơh di jơh ală bơta hơ̆.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

II Samuel 22:49

Kơnràñ dong tă añ klàs bơh di ală cau sò tơm di añ. Yàng neh yò tơngguh añ hơđang ală cau sòdră di añ, neh dong tă añ klàs bơh di ală cau rhung rhang.

I Samuel 27:1

Dabit đơs tòm nùs khai dê lah: “Gơs dô ngai lơi, añ rơp gơkòl tơnroh bơh tê Sol dê. Bơta niam rlau jơh añ in la dô pleh hơ lơgar cau Philistin. Gen Sol rơp roh bơta gơn kơnòm, ò jòi añ tai tòm dơlam nhàr lơgar Israel, mơ añ rơp lik klàs bơh tê khai.”

I Samuel 26:24

Kung be bơta kis bơtau dê geh sền dờng màng di đap añ tòm ngai do, behơ̆ dan bơta kis añ jê geh sền dờng màng di đap Yàng Jehôwa mơ dan Kơnràñ dong tă añ bơh di jơh ală bơta bòl glar.”

I Samuel 25:29

Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”

I Samuel 23:14

Dabit ơm tòm ală tiah kơ̆ cê ƀlàng ngềt ngơt dê, tòm tiah kơh mơnơm ƀlàng ngềt ngơt Jip dê. Sol ting jat khai kòp ngai, mơya Yàng Jehôwa ò jào khai tòm tê Sol dê.

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

Yal Wơl 31:30

Gen Môise đơs ală jơnau bơta đơs chò do, bơh sơnròp tus di lồi jơh mpồl jơnum Israel in ơm iat:

I Yal Yau 16:7

Tòm ngai hơ̆ Dabit jào Asap bal mơ ală cau lơh broă in bal mơ khai bơta đơs crih ưnngài Yàng Jehôwa be do:

II Samuel 12:7

Nathan đơs mơ Dabit lah: “Bơtau la cau hơ̆! Jehôwa Yàng Tom Trồ Israel dê neh đơs be do: ‘Añ neh bong mơñà mê in gơs bơtau Israel mơ neh dong tă mê klàs bơh di tê Sol.