II Samuel 18:9 - Sră Goh 2018

⁹ Nisơna Apsalôm tìp mơ ală cau duh broă Dabit dê, Apsalôm hào alàng khai dê, mơ tòm tŭ alàng ntoat hơđơm ală ntê tòm chi cha, bồ Apsalôm dê gơkwă di ntê chi, mơ khai gơyồng hơđang pah wah trồ mơ ù; tòm tŭ alàng hơđơm khai kư̆ ntoat.

II Samuel 18:9 Referans Kwoze

II Samuel 14:26

Khai òs siat sŏ khai dê tòm tŭ gơlik gơs kơnjơ̆ khai in, mơ tŭ lơi khai siat gen khai kơr geh bàr rhiang sieklơ, jat kơr bơtau dê.

Jơnau Pơnđik 30:17

Gar mat dơñŏ tơnhial bèp he, sền òsơp bơta dòn bơr gơwèt mơ mè he, ală kơnđà tòm thòng rơp kwĕ gar mat hơ̆, mơ ală klàng bung rơp sa coh khai.

Sră Jop 31:3

Ò di la bơta rung rài dùh hơđang cau ò song ring, mơ bơta roh gơprah di cau lơh bơta tồi glài iơh bơsak in ò ơ?

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Jơnau Niam Jat Mak 7:10

Bơh Môise neh đơs lah: ‘Dòn duh tĕ mè bèp mê’ mơ tai: ‘Cau lơi wàc sơrpah di mè bèp, gen ngan pal chơt.’

Jeremi 48:44

Cau lơi dô pleh bơh bơta rngòt rngơt Rơp dùh tòm trồm tơrluh, Cau lơi guh klàs bơh trồm jrô rơp gơkòl di dă pơt. Bơh Añ neh lơh sơnam lơh glài Tus hơđang Môap.” Yàng Jehôwa đơs behơ̆.

Jơnau Pơnđik 20:20

Ồs đèng cau srat rma mè bèp rơp chơt digùl mang klam jơngo cik.

II Samuel 18:14

Jôap ho lah: “Añ rơp ò lơh roh tŭ mơ mê be do.” Behơ̆ khai at pe nơm tà tòm tê khai mơ tơng gơ di plai nùs Apsalôm tòm tŭ Apsalôm gam kis hơđang tòm cha.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

Yal Wơl 27:20

‘Pal srat sơntơm cau lơi bic mơ bau ùr bèp khai dê, bơh khai ò ki ngàm di cơnòng bic bèp khai dê.’ Gen jơh làng bol rơp đơs lah: ‘Amen!’

Yal Wơl 27:16

‘Pal srat sơntơm cau lơi ò dòn duh bèp hala mè khai dê.’ Gen jơh làng bol rơp đơs lah: ‘Amen!’

Yal Wơl 21:23

gen bol mê bañ lòi ƀồc khai dê hơđang chi mang àng. Lơh nền tĕ tơp khai tòm ngai hơ̆, tài bơh dô nă cau kong yồng hơđang jrong la ơm hơđơm bơta srat sơntơm Yàng Tom Trồ dê. Bol mê bañ lơh ƀơ̆ ƀơl ù tiah mơ Jehôwa Yàng Tom Trồ bol mê dê ai bol mê in lơh gơs sre brê.”

Mathiơ 27:5

Gen Juda sơrbì ală pet priă tòm hìu duh khoai, mơ lik lòt yồng ngko.

II Samuel 13:29

Behơ̆ ală cau duh broă Apsalôm tơnchơt Amnôn jat be jơnau Apsalôm neh sồr. Gen jơh ală kòn klau bơtau ñă ntào, hào alàng bol khai dê mơ ntoat dô.

II Samuel 18:8

Bơta tòmlơh lòt làm jơh hơđang ală ƀòn gùt dar, oă cau chơt tòm brê rlau mơ chơt bơh đào.

II Samuel 18:10

Gơs dô nă cau neh gŏ bơta hơ̆ tus yal mơ Jôap lah: “Añ pa gŏ Apsalôm gơyồng hơđang dô đòm chi cha.”