II Pier 1:3 - Sră Goh 2018

³ Gơnap gơnoar sàng goh Yàng Tom Trồ dê neh ai bol he in jơh ală bơta gơrê bal mơ bơta kis mơ bơta duh rngòt, kơnòm di bơta dòp git Kơnràñ la Bơtau neh hòi sac bol he tòm bơta gơklŏ mơ bơta kơ̆ dơn Kơnràñ dê.

II Pier 1:3 Referans Kwoze

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

II Tesalônika 2:14

Kơnràñ kung ngui Jơnau Niam mơ bol he bơto yal mơ hòi oh mi tus hơ bơta hơ̆, nàng oh mi in dòp geh bơta gơklŏ Yàng Jesu Krist bol he dê.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

I Pier 1:15

Mơya be Bơtau neh hòi sac oh mi la Bơtau sàng goh, gen oh mi kung pal gơs sang goh tòm jơh ală bơta lơh lòt he dê,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

I Kôrintô 1:9

Yàng Tom Trồ la Bơtau dòn song; tài bơh Kơnràñ oh mi geh hòi sac tus tòm bơta gơtòmklac bal mơ Kòn Kơnràñ la Yàng Jesu Krist bol he dê.

II Pier 1:2

Dan bơta nđàc mơ bơta lơngap lơngai geh ai bơtơl bềng lìu oh mi in kơnòm di bơta dòp git Yàng Tom Trồ mơ Yàng Jesu la Yàng bol he dê.

II Pier 1:5

Tài bơh hơ̆ oh mi pal jơh nùs bơtơl bơta kơ̆ dơn hơđang bơta dòn, bơtơl bơta git jak hơđang bơta kơ̆ dơn,

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

Kôlôse 1:16

Bơh jơh ală bơta neh geh crơng gơs tòm Kơnràñ, bulah phan hơđang trồ hala tòm ù, phan rgơi gŏ hala phan he ò rgơi gŏ, hala ală gơnoar at bồ, hala ală gơnoar; jơh ală bơta tus bơh Kơnràñ mơ la tài bơh Kơnràñ mơ geh crơng gơs.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

Jơnau Pơnđik 12:4

Bau ùr kơ̆ dơn la sơgơn bơtau bau klau khai in; Ai bau ùr lơh ƀàssìl ƀàsso ò gơkrơi be bơta ồm lề tòm ntìng khu khai.

Rutơ 3:11

Tŭ do, ơ kòn ùr añ jê, bañ rngòt. Añ rơp lơh ai in jat jơh ală bơta ai neh dan, bơh jơh mpồl làng bol añ jê git ai la dô nă cau ùr kwơ màng.

Jơnau Pơnđik 31:29

“Gơs oă cau ơruh lơh broă dô bă jak chài, mơya ai la jak rlau mơ jơh ală cau hơ̆!”

Jơnau Pơnđik 31:10

Dô nă cau ùr jak chài mơ chài rgơi ñcau rơp jòi bàn taih? Bơta kas màng khai dê rlau mơ lŭ màng.

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

II Pier 1:6

bơtơl bơta git kơrhia hơđang bơta git jak, bơtơl bơta ơt ơl hơđang bơta git kơrhia, bơtơl bơta duh rngòt hơđang bơta ơt ơl,

II Pier 1:8

Bơh dilah ală bơta hơ̆ gơs tơl tòm oh mi mơ tơngkah tơngkañ, gen rơp dong oh mi gơs kwơ mơ gơlik cồng nha tòm bơta dòp git Yàng Jesu Krist bol he dê.

II Pier 1:10

Behơ̆, ơ oh mi, jơh nùs tĕ rlau tai nàng lơh nền cê bơh bơta Yàng hòi sac mơ sac rwah he; dilah lơh bơta hơ̆ gen oh mi ò gơs tŭ lơi gơtup tìs.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.