Hebrơ 9:5 - Sră Goh 2018

⁵ đah hơđang đài ho bal gơs ceruƀim gơklŏ, jơm gòm bơnap bơta nđàc, mơya tòm tŭ do ò rgơi yal jơh ală bơta hơ̆.

Hebrơ 9:5 Referans Kwoze

Khà Làng Bol 7:89

Tòm tŭ Môise mut tòm Sàl Tòm Mat nàng tòmbơhbơr mơ Yàng Jehôwa, khai kơno sap đơs mơ khai bơh digùl bàr nơm ceruƀim hơđang bơnap bơta nđàc dơp hơđang Đài Bơta Cơng Tàng dê. Mơ khai tòmbơhbơr mơ Kơnràñ.

Lebi 16:2

Yàng Jehôwa đơs mơ Môise lah: “Đơs tĕ mơ Arôn bi mê dê, bulah la tŭ lơi bañ tus rềp tòm Tiah Sàng Goh Ngan đah dơlam bài kơrnìng di đap bơnap bơta nđàc ơn hơđang Đài Bơta Ho Bal, dilah ò lơh jat gen khai rơp chơt, tài bơh Añ tơlik mat tòm mhwal hơđang bơnap bơta nđàc.

Đơs Crih 99:1

Yàng Jehôwa at bồ; ală làng bol rngòt rơm să tĕ! Kơnràñ nggui hơđang sơbàn digùl ală ceruƀim; plai ù lơnggơr tĕ!

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Lebi 16:13

Khai pal ơn kơlhô hơđang ồs di đap Yàng Jehôwa mơ ñhŭ kơlhô rơp jơm gòm bơnap bơta tơwài glài hơđang Đài Bơta Ho Bal tồ khai in klàs chơt.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

I Yal Yau 28:11

Gen Dabit ai kòn klau khai in ală rùp cih bơh ală mpồng rơng hìu duh khoai dê, ală hìu gơ dê, ală ơdŭ prap phan gơ dê, ală pơnah tap hơđang, ală ơdŭ dơlam mơ tiah ơn bơnap ai bơta nđàc.

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

I Samuel 4:4

Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;