Hebrơ 9:4 - Sră Goh 2018

⁴ gơs cơnòng màh chu kơlhô, mơ Đài Bơta Ho Bal ƀềp mơ màh; tòm đài gơs dô nơm gri màh ơn mana, gai jra cat sơmbut Arôn dê, mơ bàr nơm mpàn lŭ bơta ho bal dê;

Hebrơ 9:4 Referans Kwoze

Khà Làng Bol 17:10

Yàng Jehôwa đơs mơ Môise lah: “Ơn tĕ wơl gai jra Arôn dê di đap Đài Bơta Ho Bal, nàng prap gàr lơh gơs dô nơm tềl ală cau jak tòmdră in. Bơta hơ̆ rơp pơndut tơnlồi bơta yoam joh bol khai dê tòmdră mơ Añ, nàng bol khai klàs chơt.”

II Yal Yau 5:10

Ò gơs phan lơi ndai tòm Đài Ho Bal rlau mơ bàr pang mpàn lŭ mơ Môise neh ơn tòm hơ̆ tòm tŭ ơm tòm Hôrep, la tiah Yàng Jehôwa neh lơh dô bơta ho bal mơ cau Israel tơnơ̆ mơ tŭ bol khai neh lik bơh di Ejiptơ.

Lebi 16:12

Khai pal ai dô nơm gri ơn kơlhô gơs bềng rnga ồs hơng bơh di cơnòng duh khoai di đap Yàng Jehôwa mơ bàr sơmbat bềng kơlhô ƀô bơlhu neh tơnlề rhền mơ cèng ală phan hơ̆ tus hơ đah dơlam bài kơrnìng.

Lik Ejiptơ 40:3

Ơn tĕ tòm hơ̆ Đài Bơta Cơng Tàng, lồc behơ̆ ai bài kơrnìng cang kìng gơ.

Lik Ejiptơ 26:33

Yồng tĕ bài kơrnìng bơh di ală kơlnĕ mơ màh, mơ ơn đài bơta Cơng Tàng đah ngkòi bài kơrnìng. Bài kơrnìng rơp cah is Tiah Sàng Goh mơ Tiah Sàng Goh Ngan.

Khà Làng Bol 17:5

Gai jra gơrê bal mơ cau Añ sac rwah rơp cat sơmbut, mơ Añ rơp tă sang jơnau yoam joh sùm sùm do tòmdră mơ mê bơh di cau Israel.”

Lik Ejiptơ 34:29

Tòm tŭ Môise mù bơh di mơnơm Sinai, at bàr nơm mpàn lŭ Bơta Cơng Tàng tòm tê khai dê, khai ò git lah muh mat khai dê àng lơr tài bơh khai neh tòmbơhbơr mơ Yàng Jehôwa.

Yal Tơlik 8:3

Chòp gơs dô nă cau gơnrơh ndai tus, ntào dê gah cơnòng duh khoai, at dô nơm gri mơ màh ơn kơlhô. Khai neh geh ai oă kơlhô nàng bơcă bal mơ ală jơnau hòi dan jơh ală cau sàng goh dê, mơ ơn hơđang cơnòng duh khoai mơ màh di đap sơbàn.

I Ală Bơtau 8:21

Tềng hơ̆, añ neh rcang dô bă tiah Đài in; tòm Đài gơs bơta Ho Bal Yàng Jehôwa dê, hơ̆ la bơta ho bal mơ Kơnràñ neh bơtào mơ ồng pàng bol hi dê, tòm tŭ Kơnràñ neh cèng bol khai lik bơh lơgar Ejiptơ.”

I Ală Bơtau 8:9

Tòm Đài mìng gơs bàr nơm mpàn lŭ mơ Môise neh ơn, di mơnơm Hôrep, tềng hơ̆ Yàng Jehôwa neh bơtào bơta ho bal mơ làng bol Israel, tòm tŭ bol khai lik bơh lơgar Ejiptơ.

I Ală Bơtau 7:50

ală mơngàn, pềs, cờu, cơnhŏ, mơ prềng ơn bùh mơ màh ngan; ală kai mpồng, ƀà ngui ală mpồng hìu đah dơlam in, ƀà di Tiah Sàng Goh Ngan, ƀà ngui mpồng hìu duh khoai in, gen la màh ngan.

Khà Làng Bol 17:8

Àng drim ngai hìng, Môise mut tòm Sàl Bơta Cơng Tàng mơ gŏ gai jra Arôn dê, la gai lơh ala mat hìu nhă Lebi dê, ò di mìng gơcat sơmbut mơya gơlì bơkào mơ gơlik ală plai gus dum.

Lik Ejiptơ 39:35

Đài Bơta Cơng Tàng bal mơ ală mơng tùng, mơ bơnap bơta nđàc;

Lik Ejiptơ 31:18

Tòm tŭ Yàng Jehôwa neh sir đơs mơ Môise hơđang mơnơm Sinai rau, Kơnràñ ai khai in bàr nơm mpàn bơta Cơng Tàng, la ală mpàn lŭ neh gơs jơnau cih bơh ràs tê Yàng Tom Trồ dê.

Lik Ejiptơ 32:15

Chòp Môise wơlke mơ mù bơh di mơnơm, at tòm tê bàr nơm mpàn bơta Cơng Tàng; gơs cih hơđang bàr đah mat, đah hơđap mơ đah ngkòi.

Lik Ejiptơ 37:25

Bol khai kung lơh dô nơm cơnòng duh khoai mơ chi sitim nàng chu kơlhô, poan mum ring bal, kòp đah jòng poan jơt poan sentimet, mơ jơnhoa phàm jơt phàm; gơs poan nơm ngke gơđềt bal mơ gơ.

Yal Wơl 9:9

Tòm tŭ añ guh hơđang mơnơm nàng dòp ală mpàn lŭ, ală mpàn bơta ho bal mơ Yàng Jehôwa neh bơtào mơ bol mê, añ ơm hơđang mơnơm poan jơt ngai mơ poan jơt mang; añ ò sa piang lă mơ ò hùc dà.

Yal Wơl 9:11

Tus di lồi poan jơt ngai mơ poan jơt mang gen Yàng Jehôwa neh ai añ in bàr nơm mpàn lŭ, la ală mpàn lŭ bơta ho bal dê.

Yal Tơlik 11:19

Chòp hìu duh khoai Yàng Tom Trồ ơm hơđang trồ geh pò tơlik, lòi cau in gŏ tòm hìu duh khoai hơ̆ gơs Đài Bơta Ho Bal Kơnràñ dê; gen gơs puhlèp, jơnau ntas dờng, ntơr kơnàs, lơnggơr ù mơ mìu piar dờng.