Hebrơ 8:11 - Sră Goh 2018

¹¹ Bol khai ò càng bơto cau gơp ƀòn he dê. Mơ bơto kòp nă oh mi he lah: ‘Dòp git tĕ Yàng,’ jơh tơl nă bol khai rơp git Añ, Bơh cau dềt jơl tus di cau dờng, rơp dòp git Añ.

Hebrơ 8:11 Referans Kwoze

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Broă 8:10

Jơh ală cau, bơh cau kơnòm tus di cau kra, iat jơnau Simôn mơ đơs lah: “Cau do la gơnap gơnoar Yàng Tom Trồ dê, sơnđan la gơnap gơnoar Dờng.”

Habakuk 2:14

Mơya ù tiah rơp geh bềng lìu bơh bơta git wă bơta gơklŏ Yàng Jehôwa dê, kung be ală dà bềng lìu dàlềng behơ̆ sơl.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Ejekiel 34:30

Gen bol khai rơp git Añ la Jehôwa Yàng Tom Trồ bol khai dê, ơm bal mơ bol khai, mơ hìu Israel dê, la làng bol Añ jê, Jehôwa Yàng Tom Trồ đơs behơ̆.

Ejra 7:25

Ai mê, ơ Ejra, jat be bơta jak chài Yàng Tom Trồ mê dê mơ mê neh gơs, pồ bơtào tĕ ală cau kwang at bồ mơ ală cau kwang cahrña nàng bol khai cahrña jơh làng bol tòm kơnhwàl ơm Đah Ne Hiòng, la ală cau git ală bơta boh lam Yàng Tom Trồ mê dê, mơ mê pal bơto ală bơta hơ̆ cau lơi ò git ală bơta boh lam hơ̆.

II Yal Yau 30:22

Ejekia đơs jơnau chồl nùs jơh ală cau Lebi neh yal tơlik bơta git jak niam bơh bơta duh broă Yàng Jehôwa. Behơ̆ làng bol sa phan sa bơta pơjum sa ngai wèr dê tòm poh ngai, ơn phan duh khoai bơta ring lơngai mơ bơta ưnngài Jehôwa Yàng Tom Trồ ală ồng pàng bol khai dê.

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 42:1

Tŭ hơ̆ ală cau at bồ mpồl ling, Jôhanan kòn klau Kareah, Jesania, kòn klau Hôsaya, mơ jơh làng bol, bơh cau dềt tus cau dờng,

Jeremi 42:8

Khai hòi Jôhanan, kòn klau Kareah, jơh ală cau kwang ling mơ jơh ală cau ling, bơh cau dềt tus cau dờng,