Hebrơ 8:10 - Sră Goh 2018

¹⁰ Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Hebrơ 8:10 Referans Kwoze

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

II Kôrintô 3:3

Loh làng ngan oh mi la sră pơyoa Bơtau Krist dê, bơh gơnoar broă bol hi mơ cih gơs, ò di cih mơ dà cih, mơya cih mơ Hwềng Yàng Tom Trồ gam kis sùm dê; ò di cih hơđang mpàn lŭ, mơya cih hơđang nùs cau dê.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Rôma 11:27

“Hơ̆ la jơnau ho bal Añ rơp bơtào mơ bol khai, Tòm tŭ Añ tă sang tồi glài bol khai dê.”

Jakơ 1:21

Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

I Pier 1:23

Oh mi neh geh deh wơl pa, ò di bơh gar sơntìl ồm lề, mơya bơh gar sơntìl ò ồm lề, hơ̆ la jơnau kis gam sùm mơ nền cê Yàng Tom Trồ dê.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Mathiơ 22:32

‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ? Kơnràñ ò di la Yàng Tom Trồ cau chơt dê ò, mơya la Yàng cau kis dê.”

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Lik Ejiptơ 34:27

Yàng Jehôwa kung đơs mơ Môise lah: “Cih tĕ ală jơnau do; lơh jat ală jơnau do mơ Añ neh bơtào ho bal mơ mê mơ Israel.”

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Lik Ejiptơ 24:4

Môise cih wơl jơh ală bơta Yàng Jehôwa neh đơs. Àng drim hìng khai guh gòñ mơ bơt bơtào dô nơm cơnòng duh khoai di jơng mơnơm, mơ bơtào jơt bàr pơnai lŭ lơh gơs jrong sơnio bơh jơt bàr jơi bơtiàn Israel.

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Jeremi 31:1

Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Lik Ejiptơ 24:7

Chòp khai ai Sră Bơta Ho Bal mơ sền làng bol in iat. Làng bol ho lah: “Bol hi rơp lơh jat jơh ală jơnau Yàng Jehôwa neh đơs, bol hi rơp dòn bơr.”

Lik Ejiptơ 34:1

Yàng Jehôwa đơs mơ Môise lah: “Phàt tĕ bàr nơm mpàn lŭ be bàr nơm mpàn lài; mơ Añ rơp cih hơđang gơ ală jơnau neh cih hơđang bàr nơm mpàn lài mơ mê neh jan bơcah.

I Kôrintô 6:16

Hala oh mi ò git lah cau lơi đềt mềr bal mơ cau ùr dri gen gơlik gơs kung be dô nơm să bal mơ khai ò ơ? Bơh Sră Goh cih lah: “Bàr nă rơp gơlik gơs dô nơm poac bal.”