Hebrơ 7:6 - Sră Goh 2018

⁶ Mơya, bơtau ne, ò di bal mơ jơi cau Lebi mơya neh dòp dô pơnah jơt Abraham dê mơ ai lơngai khai in la cau gơs jơnau ho pơgon.

Hebrơ 7:6 Referans Kwoze

Rôma 4:13

Tòm tŭ Yàng Tom Trồ ho pơgon mơ Abraham mơ jơi bơtiàn khai in geh pơrdòn lơgar dunnia lơh gơs sre brê ò di bơh bơta boh lam, mơya hơ̆ la tài bơh bơta dòn khai geh kòp la song ring bơh Yàng Tom Trồ.

Hebrơ 11:17

Bơh bơta dòn Abraham, tòm tŭ kong lòng ơn Isak Yàng in, khai neh dòp geh jơnau ho pơgon mơ gơs nùs rcang sir nàng ơn kòn dùl khai dê,

Hebrơ 7:1

Melcijedek do la bơtau Salem dê, cau gơnoar ơn phan duh khoai Yàng Tom Trồ Hơđang Rlau Jơh dê, neh lik wă rò Abraham mơ ai lơngai khai in tòm tŭ khai rê bơh tòmlơh geh pha lin mơ ală bơtau.

Galati 3:16

Bơh ală jơnau ho pơgon neh đơs mơ Abraham bal mơ jơi bơtiàn khai dê, gen ò đơs lah: “Ai ală jơi bơtiàn in,” be sơnio bơh oă cau; mơya mìng đơs: “Ai jơi bơtiàn mê in,” be sơnio bơh dô nă cau lơm, hơ̆ la Bơtau Krist.

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Sơnròp Gơlik Gơs 12:13

Añ dan ai yal mơ bol khai ai la oh ùr añ, tồ bơh ai añ rơp geh wă rò niam mơ bơta kis añ jê geh ring lơngai.”

Hebrơ 7:7

Cau gơs gơnoar hơđang ai lơngai cau ơm hơđơm in, hơ̆ la jơnau ò pơndang.