Hebrơ 7:5 - Sră Goh 2018

⁵ Mơ tai, tòm ală kòn sau Lebi dê, cau lơi neh dòp geh gơnoar broă cau gơnoar ơn phan duh khoai, gen lơh jat bơta boh lam mơ dòp dô pơnah jơt bơh di làng bol, hơ̆ la bơh di oh mi bol khai dê, bulah ală cau hơ̆ kung bơh jơi Abraham mơ gơlik gơs.

Hebrơ 7:5 Referans Kwoze

Hebrơ 7:10

bơh tòm tŭ Melcijedek lòt rò Abraham, gen tŭ hơ̆ Lebi gam ơm tòm kơndul ồng pàng.

Nehemi 13:10

Añ kung kơno lah ală cau Lebi òhềt dòp geh ală pơnah ơn bol khai in; gen tàng ală cau Lebi, ală cau đơs chò la ală cau gơs gơnoar broă duh broă, neh dô rê hơ mìr sre tòm khai dê.

I Ală Bơtau 8:19

bulah behơ̆, mê rơp ò bơt hìu duh khoai hơ̆, mơya la kòn klau mê neh deh, rơp bơt hìu sơnđan Añ in.’

Khà Làng Bol 18:7

Mơya mìng mê mơ ală kòn klau mê pal ngac ngar lơh broă cau gơnoar ơn phan duh khoai dê tòm jơh ală broă gơrê bal mơ cơnòng ơn phan duh khoai mơ pơnah đah ngkòi bài kơrnìng. Añ ai mê in broă lơh cau gơnoar ơn phan duh khoai dê be dô nơm phan pà. Cau lơi ndai tus rềp di tiah sàng goh pal kong tơnchơt.”

Hebrơ 5:4

Mơ bơta ryŭ ryơm hơ̆ ò gơs cau lơi jòi is he in, mơya pal geh Yàng Tom Trồ hòi sac, kung be Arôn òr nau.

Lik Ejiptơ 28:1

Sồr tĕ Arôn bi mê tus hơ mê bơh digùl cau Israel bal mơ ală kòn klau khai dê la Nađap, Abihu, Eleasa, mơ Ithamar, nàng bol khai gơs ală cau gơnoar ơn phan duh khoai duh broă Añ.

Sơnròp Gơlik Gơs 46:26

Ală cau lòt tus hơ lơgar Ejiptơ bal mơ Jakôp, hơ̆ la ală cau tơnggơs bơh Jakôp, ò kòp ală ƀan khai dê gen jơh ală cau hơ̆ la prau jơt prau nă.

Lik Ejiptơ 1:5

Jơh ală kòn sau tơnggơs bơh Jakôp gơs poh jơt nă; Jôsep neh ơm tòm lơgar Ejiptơ.

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Yal Wơl 26:12

Tòm tŭ bol mê neh sir ơn is dô pơnah jơt bơh di jơh ală phan neh gơlik gơs bol mê in tòm nam dơ̆ pe rau, hơ̆ la nam ơn phan pơnah jơt, bol mê rơp ai phan hơ̆ cau Lebi, cau làng bơdìh, cau kòn đòi mơ cau ùr bơnrau in, tồ bol khai rgơi sa tòm ală ƀòn dờng bol mê dê mơ geh hòm lai.