Hebrơ 7:16 - Sră Goh 2018

¹⁶ mơ gơlik gơs cau gơnoar ơn phan duh khoai, ò jat jơnau gơnoar sồr bơta boh lam dê bơh jơi kòn mơnus, mơya jat gơnap gơnoar bơta kis ò gơs lồi.

Hebrơ 7:16 Referans Kwoze

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Hebrơ 10:1

Mơ tai, bơta boh lam mìng lơh rùp sơnio bơh ală phan niam rơp tus, ò di la să ngan ală phan hơ̆ dê, gen tàng ò gơs tŭ lơi rgơi kơnòm di ală phan ơn duh khoai ndròm bal ơn sùm kòp nam, nàng dong ală cau tus rềp gơlik gơs wil tơl ò.

Hebrơ 7:28

Bơh bơta boh lam pồ bơtào ală cau lơbơn lơño lơh gơs ală cau gơnoar dờng lam bồ ơn phan duh khoai, mơya jơnau ho nền tus tơnơ̆ mơ bơta boh lam, gen pồ bơtào Kòn la Bơtau neh geh wil tơl gam sùm sùm.

Hebrơ 7:3

Khai ò gơs bèp, ò gơs mè, ò gơs jơi bơtiàn, ò gơs ngai deh, ò gơs ngai chơt, gen kung be Kòn Yàng Tom Trồ dê, khai kư̆ lơh gơs cau gơnoar ơn phan duh khoai gam sùm sùm.

Kôlôse 2:14

Kơnràñ jùt sang jơnau tòmho cih tòm ală bơta sồr lam, gơlơh nền glài tòmsò mơ bol he; Kơnràñ kung tă gơ mơ pơng gơ di chi pơng.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Galati 4:3

Bol he kung behơ̆ sơl: Tòm tŭ gam dềt gen neh lơh gơs dĭ bơta ƀă liă dunnia dê.

Hebrơ 7:21

mơya Yàng Jesu neh gơlik gơs cau gơnoar ơn phan duh khoai bơh jơnau ho nền tòm tŭ Yàng Tom Trồ đơs mơ Kơnràñ lah: “Yàng neh srat să, ò tòmgơl nùs, Mê la cau gơnoar ơn phan duh khoai gam sùm sùm,”

Hebrơ 7:17

Bơh neh gơs jơnau lơh cơng bơh Kơnràñ lah: “Mê la cau gơnoar ơn phan duh khoai gam sùm sùm, Jat mpồl Melcijedek.”

Rôma 7:14

Mơ tai, bol he git bơta boh lam la đah hwềng, mơya añ la đah poac să neh kòl tac tồi glài in.

Hebrơ 7:15

Bơta hơ̆ la loh làng rlau tai, tòm tŭ gơs dô nă cau gơnoar ơn phan duh khoai ndai bơtào tơngguh, kung be Melcijedek,

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.