Hebrơ 7:11 - Sră Goh 2018

¹¹ Mơ dilah bơta wil tơl ngan gơlik gơs bơh gơnoar broă cau gơnoar ơn phan duh khoai Lebi dê (bơh làng bol dòp leng bơta boh lam tòm tŭ khai ơm tòm tiah gơnoar hơ̆), gen mbe lơh pal gơs dô nă cau gơnoar ơn phan duh khoai ndai, jat jơi Melcijedek mơ ò di jat jơi Arôn taih?

Hebrơ 7:11 Referans Kwoze

Hebrơ 8:7

Bơh dilah bơta ho bal sơnròp neh gơs wil tơl rau, gen ò càng bơtào gơs bơta ho bal dơ̆ bàr.

Galati 2:21

Añ ò lơh bơta nđàc Yàng Tom Trồ dê gơlik gơs ò kwơ; bơh dilah bơta song ring tus bơh bơta boh lam, gen Bơtau Krist kong chơt la ò kwơ.

Hebrơ 7:21

mơya Yàng Jesu neh gơlik gơs cau gơnoar ơn phan duh khoai bơh jơnau ho nền tòm tŭ Yàng Tom Trồ đơs mơ Kơnràñ lah: “Yàng neh srat să, ò tòmgơl nùs, Mê la cau gơnoar ơn phan duh khoai gam sùm sùm,”

Hebrơ 7:15

Bơta hơ̆ la loh làng rlau tai, tòm tŭ gơs dô nă cau gơnoar ơn phan duh khoai ndai bơtào tơngguh, kung be Melcijedek,

Hebrơ 5:6

Mơ tòm tiah ndai Yàng kung đơs lah: “Mê la cau gơnoar ơn phan duh khoai gam sùm sùm. Jat mpồl Melcijedek.”

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Hebrơ 6:20

la tiah Yàng Jesu neh bơh bol he mơ mut lài tòm hơ̆, mơ gơlik gơs cau gơnoar dờng lam bồ ơn phan duh khoai gam sùm sùm jat mpồl Melcijedek.

Hebrơ 5:10

mơ geh Yàng Tom Trồ pồ bơtào Kơnràñ la cau gơnoar dờng lam bồ ơn phan duh khoai jat mpồl Melcijedek.

Galati 4:3

Bol he kung behơ̆ sơl: Tòm tŭ gam dềt gen neh lơh gơs dĭ bơta ƀă liă dunnia dê.

Hebrơ 7:10

bơh tòm tŭ Melcijedek lòt rò Abraham, gen tŭ hơ̆ Lebi gam ơm tòm kơndul ồng pàng.

Hebrơ 7:12

Bơh gơnoar broă cau gơnoar ơn phan duh khoai neh tòmgơl rau, gen bơta boh lam kung pal tòmgơl sơl.

Hebrơ 7:13

Mơ tài bơh Bơtau hơ̆ mơ gơs jơnau đơs la bơh jơi bơtiàn ndai, mơ bơh tòm jơi bơtiàn hơ̆ ò gơs cau lơi duh broă dê cơnòng duh khoai.

Hebrơ 9:6

Dơ̆ ală phan hơ̆ neh rcang sir behơ̆ rau, gen ală cau gơnoar ơn phan duh khoai òs lòt sùm tus hơ tiah sơnròp tòm Hìu Ing Duh Khoai nàng duh broă;