Hebrơ 6:2 - Sră Goh 2018

² bơta bơto bơh ƀaptem, bơta ơn tê, bơta kis wơl bơh bơta chơt, mơ bơta cahrña gam sùm sùm.

Hebrơ 6:2 Referans Kwoze

Broă 6:6

Bol khai tơlik mat poh nă cau hơ̆ di đap ală cau gơnoar bơto dờng, gen ală cau gơnoar bơto dờng hòi dan mơ ơn tê hơđang ală cau hơ̆.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Broă 23:6

Dơ̆ Pol đal git tòm Mpồl Kwang Tơrña gơs dô êt nă la cau Saduse, dô êt nă tai la cau Pharisi, gen hòi driau lah: “Ơ oh mi, añ la cau Pharisi, la kòn cau Pharisi dê. Hơ̆ la tài bơh bơta gơn kơnòm bơh bơta kis wơl ală cau chơt dê tàng añ kong cahrña do.”

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 16:33

Di di jơ hơ̆ tòm mang hơ̆, cau at bồ hìu jàm cèng bàr nă ồng rào ală tềl sồt; lồc behơ̆ khai mơ jơh hìu nhă gơs ƀaptem mo.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Broă 10:47

Tŭ hơ̆ Pier đơs tai lah: “Ñcau rgơi kơryan lơh ƀaptem mơ dà, ală cau do in la cau neh dòp geh Yàng Hwềng Goh kung be bol he taih?”

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Jang 1:33

Añ ò git Kơnràñ, mơya Bơtau sồr añ lòt tus lơh ƀaptem mơ dà neh đơs mơ añ lah: ‘Bơtau mơ mê rơp gŏ Yàng Hwềng mù ơm hơđang, hơ̆ la Bơtau lơh ƀaptem mơ Yàng Hwềng Goh.’

Jơnau Niam Jat Mak 16:16

Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Daniel 12:2

Oă cau bic tòm kơmbuh ù rơp guh wơl, cau ƀà nàng geh bơta kis gam sùm sùm, cau ƀà nàng kong bơta ƀàssìl gam sùm sùm.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

Hebrơ 11:35

Gơs ală cau ùr neh dòp cau chơt bol khai dê kis wơl, gơs ală cau ndai kong cau lơh bòl glar jê sồt mơ ò bài cau hồ toh, bơh bol khai kòñ geh bơta kis wơl niam rlau.

Hebrơ 9:10

bơh hơ̆ la bơta sồr lam đah poac să dê gơwèt hơ ală phan sa, phan ñô, mơ bơta um rào, geh bơtào gơs jơl tus di tŭ tơngai Yàng Tom Trồ rơndap pa wơl.

II Timôthe 2:18

bol khai neh tìs di gùng jơnau song, mơ đơs lah bơta kis wơl neh rlau rau, mơ lơh gơprah bơta dòn cau ƀà dê.

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

Philip 3:21

Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

I Kôrintô 10:2

jơh tơl nă bol khai gơs ƀaptem hơđơm mhwal mơ tòm dàlềng nàng jat Môise.

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Broă 24:21

dilah gơs gen mìng dô sèng añ hòi driau tòm tŭ ntào di đap bol khai lah: ‘Hơ̆ la tài bơh bơta kis wơl cau chơt dê tàng ngai do añ kong cahrña di đap ală ồng.’”

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Broă 4:2

Bol khai sơềt sơềl tòm nùs bơh bàr nă cau gơnoar bơto dờng bơto làng bol mơ yal bơh Yàng Jesu gơs bơta kis wơl bơh bơta chơt, bơta hơ̆ lơh cơng lah cau chơt rơp geh kis wơl.

Jang 5:29

mơ lik jơh; cau lơi neh lơh bơta lơbơn niam gen kis wơl nàng dòp geh bơta kis, cau lơi neh lơh bơta iơh bơsak gen kis wơl nàng kong cahrña.

Luka 14:14

gen mê rơp geh lơngai, bơh bol khai ò rgơi tơm wơl mê in. Yàng Tom Trồ rơp tơm wơl mê in tòm ngai ală cau song ring kis wơl bơh bơta chơt.”

Luka 12:50

Mơya gơs dô bơta ƀaptem Añ pal kong, nùs Añ jê sồt oă ngan jơl tus di tŭ broă hơ̆ gơlik gơs wil tơl.

Luka 11:38

Cau Pharisi gŏ Kơnràñ ò rào tê lài mơ tŭ sa gen ai lơh krơi.

Luka 3:16

gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs.

Jơnau Niam Jat Mak 7:8

Bol mê sang lòi bơta sồr lam Yàng Tom Trồ dê, mơ kơrmap gàr jơnau òs yau kòn mơnus dê!”

Jơnau Niam Jat Mak 7:4

Tòm tŭ bol khai cèng phan lơi bơh drà, dilah ò rào lài gen kung ò sa sơl. Bol khai gam mơ kơrmap gàr oă bơta ndai tai, be rào mơngàn mơ gri mơ gri kòng.

Mathiơ 3:14

Mơya Jang kư̆ ò bài lơh mơ đơs lah: “Să tòm añ pal dan Kơnràñ lơh ƀaptem añ in sồng di, mơ Kơnràñ tus hơ añ wơl ơ?”

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Broă 13:3

Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.