Hebrơ 5:9 - Sră Goh 2018

⁹ mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

Hebrơ 5:9 Referans Kwoze

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

Broă 5:32

Ai bol hi do la cau lơh cơng bơh ală broă hơ̆ bal mơ Yàng Hwềng Goh, mơ Yàng Tom Trồ neh ai cau lơi in lơh jat jơnau Kơnràñ dê.”

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

Rôma 2:8

ai cau lơi gơs nùs tòmdră, ò bài dòn jat jơnau song, mơya jat bơta ò song ring, gen Yàng Tom Trồ rơp tuh hơđang bol khai bơta gơjrañ dờng mơ gơhào gơjrañ.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Rôma 15:18

Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh,

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Rôma 10:16

Mơya ò di kòp nă cau neh kơno Jơnau Niam mơ dòn jat lơm ò; bơh Esai neh đơs lah: “Ơ Yàng, ñcau dòn jơnau bol hi bơto taih?”

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Jang 19:30

Tŭ Yàng Jesu neh liap dà sràt hơ̆, gen đơs lah: “Sir rau.” Gen Kơnràñ kun bồ mơ tơlik hwềng.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Sacari 6:15

Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Hebrơ 11:40

bơh Yàng Tom Trồ neh rcang sir bơta niam rlau bol he in, tồ rlau mơ bol he gen bol khai ò tus hơ bơta wil tơl.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Luka 13:32

Kơnràñ sồr bol khai lah: “Lòt tĕ yal mơ pì òng hơ̆ lah: ‘Do, Añ bơtrơh tơlik cà, sơmbòi bơta kòp jê ngai do, ngai hìng, tus di ngai pe gen Añ geh wil tơl.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Đơs Crih 51:8

Dan ai añ in geh bềng bơta hòn chò hừh hơh, Lòi añ in kơno bơta hòn chò, lòi ală ntìng mơ Kơnràñ neh dơrpă geh hòn chò.

Đơs Crih 45:17

Añ rơp lơh sơnđan bơtau in geh kah wơl tòm jơh ală rài; Behơ̆ ală làng bol rơp jòng ro Kơnràñ sùm sùm ò lồi.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.