Hebrơ 5:7 - Sră Goh 2018

⁷ Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Hebrơ 5:7 Referans Kwoze

Jang 17:1

Tòm tŭ neh đơs ală jơnau hơ̆ rau, Yàng Jesu tơnggòr hơđang trồ mơ đơs lah: “Ơ Bèp, jơ neh tus, dan lơh gơklŏ Kòn in tồ Kòn kung lơh gơklŏ Bèp in sơl,

Mathiơ 27:46

Pơgap pe jơ mho, Yàng Jesu hòi dờng jơnau lah: “Eli, Eli, lama sabaktani;” hơ̆ la, “Ơ Yàng Tom Trồ Kòn dê, ơ Yàng Tom Trồ Kòn dê, ñchi bơh tài Kơnràñ sang lòi Kòn?”

Jơnau Niam Jat Mak 15:34

Di di pe jơ mho Yàng Jesu hòi dờng lah: “Elôi, Elôi, lama sabaktani?” Gơtha la: “Ơ Yàng Tom Trồ Añ, ơ Yàng Tom Trồ Añ, ñchi bơh tài Kơnràñ sang lòi Añ taih?”

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Jang 11:35

Yàng Jesu ñìm.

Mathiơ 27:50

Yàng Jesu hòi tai dô jơnau dờng, gen tac nhơm.

Jơnau Niam Jat Mak 15:37

Yàng Jesu hòi dô jơnau dờng, gen chơt.

Đơs Crih 22:24

Bơh Kơnràñ ò di sền òsơp, ò di sền ngkòr ngkàc di bơta dồn sa cau dồn sa dê. Kơnràñ kung ò pồn mat di khai, Mơya tòm tŭ khai hòi dan mơ Kơnràñ, gen Kơnràñ dòp jơnau.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Luka 23:46

Gen Yàng Jesu hòi driau dờng mơ lah: “Ơ Bèp, Añ jào hwềng tòm tê Bèp.” Kơnràñ đơs sir rau gen tac nhơm.

Đơs Crih 69:1

Ơ Yàng Tom Trồ, dan dong klàs añ! Bơh dà neh ngŏ tus di ngko añ.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Esai 49:8

Yàng Jehôwa đơs be do: “Tòm dô tŭ Añ niam nùs, Añ neh ho wơl mê in, mơ tòm ngai dong klàs Añ neh dong kòl mê; Añ rơp sền gàr mê mơ ai mê in be dô bơta ho bal làng bol in, nàng bơt bơtào wơl lơgar, mơ tòmpà pơnah sre brê neh lòi srau gòi gơ dê,

Lebi 2:2

Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

I Jang 4:3

ai hwềng lơi ò yal tơlik behơ̆ bơh Yàng Jesu gen hwềng hơ̆ ò di la bơh Yàng Tom Trồ. Hơ̆ la hwềng cau sòdră di Bơtau Krist; ală oh mi neh kơno gơ rơp tus, mơ tòm tŭ do gơ neh ơm tòm dunnia rau.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Jang 11:42

Añ neh git Bèp dòp jơnau Añ sùm, mơya Añ đơs bơta hơ̆ tài bơh ală cau ơm ntào gùt dar do, tồ bol khai in dòn lah Bèp neh sồr Añ lòt tus.”

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Đơs Crih 88:1

Ơ Yàng Jehôwa, la Yàng Tom Trồ bơta dong klàs añ jê, tòm trồ mang añ rac dan di đap Yàng.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Hebrơ 10:5

Behơ̆ tàng, tòm tŭ Bơtau Krist lòt tus tòm dunnia, gen đơs lah: “Yàng ò kòñ phan ơn duh khoai mơ phan ơn, Mơya Kơnràñ neh rcang sir Añ in dô nơm să jan rau.

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.