Hebrơ 5:2 - Sră Goh 2018

² Khai rgơi gơs nùs nđàc sơngit ală cau bơrngơl gơla mơ tìs nrah, bơh să tòm Khai kung gơkòl tòm bơta lơbơn lơño.

Hebrơ 5:2 Referans Kwoze

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

Hebrơ 2:18

Bơh să tòm Kơnràñ neh kong bòl glar jê sồt tòm tŭ tìp bơta ơniai, gen tàng rgơi dong kòl ală cau tìp bơta ơniai sơl.

Hebrơ 7:28

Bơh bơta boh lam pồ bơtào ală cau lơbơn lơño lơh gơs ală cau gơnoar dờng lam bồ ơn phan duh khoai, mơya jơnau ho nền tus tơnơ̆ mơ bơta boh lam, gen pồ bơtào Kòn la Bơtau neh geh wil tơl gam sùm sùm.

Hebrơ 12:13

Lơh tĕ gùng song jơng oh mi in, nàng cau gơlte ò gơtup gơglih jơng, mơ geh sơmbòi la niam rlau.

Galati 4:13

Oh mi git lah tòm tŭ poac să añ kòp jê mơ añ neh bơto yal Jơnau Niam oh mi in dơ̆ sơnròp,

II Kôrintô 12:5

Bơh cau hơ̆ añ rơp jòng să, mơya bơh să tòm añ, añ ò jòng să, mìng jòng să bơh bơta lơbơn lơño añ jê lơm.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

II Kôrintô 11:30

Dilah pal jòng să, gen añ rơp jòng să bơh ală bơta lơbơn lơño añ jê.

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Lik Ejiptơ 32:8

Bol khai neh mhar sang lòi jơnau Añ neh sồr bol khai mơ neh lơh bol khai in dô nơm rùp ràk tŏ gơs rùp să kung be dô nơm kơnrồ kòn. Bol khai neh cùn khoai di đap rùp hơ̆, neh ơn phan ơn gơ in mơ neh đơs lah: ‘Ơ Israel! Do la yàng neh tă cèng bol mê lik klàs bơh di Ejiptơ.’”

Ală Kwang Cahrña 2:17

Bulah behơ̆, bol khai ò iat ală cau kwang cahrña bol khai dê, bơh bol khai hàm kòñ jat ală yàng ndai mơ cùn khoai bol gơ. Bol khai mhar ngan sang gùng ală ồng pàng bol khai neh lòt, la ală cau lơh jat ală jơnau gơnoar sồr Yàng Jehôwa dê, bol khai ò đòm krơh ală ồng pàng bol khai dê.

Esai 29:24

Ală cau gơs hwềng nùs wil wơl rơp dòp geh bơta git wă; ală cau òs ƀoah pơrhiat rơp dòp jơnau bơto sồr.”

Ephesô 4:18

nùs bol khai klam jơngo, ơm ngài mơ bơta kis Yàng Tom Trồ dê, tài bơh bơta bơrngơl gơla tòm bol khai gơlik bơh nùs kră kơldang bol khai dê.

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Hebrơ 9:7

mơya pơnah đah dơlam, gen mìng cau gơnoar dờng lam bồ ơn phan duh khoai mut tòm hơ̆ dô nam dô dơ̆ lơm, mơ pal cèng mhàm la mhàm pal ơn tơwài glài să tòm khai in mơ bơh tồi glài làng bol dê sơl.

Jakơ 5:19

Ơ oh mi añ jê, dilah tòm ală oh mi gơs cau lơi tìs nrah ngài mơ jơnau song, mơ gơs cau ndai tề lam khai rê wơl,

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.