Hebrơ 5:12 - Sră Goh 2018

¹² Pal ngan, tŭ do oh mi neh gơlik gơs cau bơto rau, mơya tŭ do oh mi gam kơnòm di cau bơto sồr oh mi ală bơta ƀă liă bơh jơnau Yàng Tom Trồ dê, mơ oh mi gam la cau pal càng dà toh, ò di la phan sa kơldang.

Hebrơ 5:12 Referans Kwoze

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

Hebrơ 5:13

Bơh cau lơi mìng ngui dà toh, gen ò git làm jơnau song ring, bơh khai la kòn se dềt.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Đơs Crih 34:11

Ơ ală kòn, tus tĕ iat añ, Añ rơp bơto bol mê in bơta duh rngòt di Yàng Jehôwa.

Mathiơ 17:17

Yàng Jesu ho lah: “Ơ jơi bơtiàn ò dòn mơ kơldang bồ ne, Añ kong ơt mơ bol mê jơl tus di tŭ lơi taih? Cèng tĕ kòn hơ̆ tus tềng do Añ in.”

Esai 55:1

Ơ jơh ală cau lơi tơhìr, tus tĕ hơ ală dà; mơ bol mê la cau ò gơs jền priă, tus tĕ blơi mơ sa! Tus tĕ blơi tơrnòm mơ dà toh ò càng tơm jền.

Ejra 7:10

Bơh Ejra neh ơn nùs khai dê bơtê bơta Boh Lam Yàng Jehôwa dê, mơ lơh jat gơ, nàng bơto ală jơnau sồr lam mơ bơta boh lam tòm Israel.

II Samuel 16:23

Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Kôrintô 14:19

mơya tòm Hìu Jum Goh añ kòñ đơs pram jơnau rgơi wă mơ dơngoh kơlôi nàng bơto sồr ală cau ndai la niam rlau mơ rbô jơnau đơs mơ jơnau đơs ndai.

Rôma 3:2

Gơs kwơ ngan tòm jơh ală bơta. Sơnròp ngan jơnau đơs Yàng Tom Trồ dê neh jào làng bol Juda in.

Broă 7:38

Să tòm khai la cau neh ơm tòm mpồl jơnum tòm ƀlàng bràs ngềt ngơt bal mơ cau gơnrơh neh đơs mơ khai hơđang mơnơm Sinai mơ bal mơ ồng pàng bol he dê, mơ khai dòp leng ală jơnau kis nàng ai bol he in.

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Esai 28:13

Gen tàng jơnau Yàng Jehôwa rơp gơlik gơs bol khai in: “Jơnau sồr hơđang jơnau sồr, jơnau sồr hơđang jơnau sồr; sèng hơđang sèng, sèng hơđang sèng; dô êt tềng do, dô êt tềng ne.” Tồ bol khai rơp lòt mơ gơpừ sơrplàng, kong bơcah lề, yar dă, mơ kòl kup cèng pơrdô.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Galati 4:3

Bol he kung behơ̆ sơl: Tòm tŭ gam dềt gen neh lơh gơs dĭ bơta ƀă liă dunnia dê.

Hebrơ 5:11

Bol hi gơs oă bơta kòñ đơs bơh bơta do, mơya kalke ngan nàng yal tơlik oh mi in, tài bơh oh mi òbat ngan git wă.

Hebrơ 10:32

Kah tĕ ală ngai lài òr, tơnơ̆ mơ tŭ oh mi neh geh pơnđàng sòl rau, gen kong jai tòm bơta tòmlơh dờng bơh ală bơta jê sồt bòl glar,