Hebrơ 4:6 - Sră Goh 2018

⁶ Ală cau sơnròp neh kơno Jơnau Niam hơ̆ ò geh mut tòm tiah rlô tài bơh bol khai ò dòn; bulah behơ̆, gam gơs cau ndai geh gơnoar mut tềng hơ̆.

Hebrơ 4:6 Referans Kwoze

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Hebrơ 4:9

Behơ̆, gam gơs dô bơta rlô lơngai be rlô ngai Saƀat làng bol Yàng Tom Trồ in.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Khà Làng Bol 14:31

Ai đah pơnah ală kòn sau bol mê dê mơ bol mê neh đơs lah rơp gơkòl kup lơh gơs phan tòmpìt geh, Añ rơp cèng bol khai mut tòm hơ̆ nàng hòn chò tòm lơgar mơ bol mê sang lòi.

Khà Làng Bol 14:12

Añ rơp tơnchơt bol khai bơh pluh plàng mơ tơnroh bol khai, mơya Añ rơp lơh mê in gơlik gơs dô nơm làng bol dờng rlau mơ pràn rlau mơ bol khai.”

I Kôrintô 7:29

Behơ̆, ơ oh mi, añ đơs be do: Tŭ tơngai neh liah, bơh do jơl hìng nau ală cau gơs bau pal lơh be ò gơs;

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.