Hebrơ 4:16 - Sră Goh 2018

¹⁶ Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Hebrơ 4:16 Referans Kwoze

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Hebrơ 13:6

Behơ̆ gen bol he gơs nùs dòn nền mơ đơs lah: “Yàng la Bơtau dong kòl añ jê, añ rơp ò rngòt, Ñchi kòn mơnus rgơi lơh di añ taih?”

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

Lebi 16:2

Yàng Jehôwa đơs mơ Môise lah: “Đơs tĕ mơ Arôn bi mê dê, bulah la tŭ lơi bañ tus rềp tòm Tiah Sàng Goh Ngan đah dơlam bài kơrnìng di đap bơnap bơta nđàc ơn hơđang Đài Bơta Ho Bal, dilah ò lơh jat gen khai rơp chơt, tài bơh Añ tơlik mat tòm mhwal hơđang bơnap bơta nđàc.

Hebrơ 9:5

đah hơđang đài ho bal gơs ceruƀim gơklŏ, jơm gòm bơnap bơta nđàc, mơya tòm tŭ do ò rgơi yal jơh ală bơta hơ̆.

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

I Yal Yau 28:11

Gen Dabit ai kòn klau khai in ală rùp cih bơh ală mpồng rơng hìu duh khoai dê, ală hìu gơ dê, ală ơdŭ prap phan gơ dê, ală pơnah tap hơđang, ală ơdŭ dơlam mơ tiah ơn bơnap ai bơta nđàc.

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.