Hebrơ 4:13 - Sră Goh 2018

¹³ Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Hebrơ 4:13 Referans Kwoze

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Jơnau Pơnđik 15:3

Mat Yàng Jehôwa ơm làm bă tiah, sền sơwì cau iơh bơsak mơ cau lơbơn niam.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Sră Jop 34:21

Bơh mat Kơnràñ sền sơwì ală gùng dà kòn mơnus dê, mơ Kơnràñ sền gŏ kòp cơnđòa bol khai dê.

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

Jơnau Pơnđik 15:11

Lơgar làng ƀồc mơ brah tìng gam ơm di đap mat Yàng Jehôwa sơl, Tơ ài lah nùs kòn mơnus dê!

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Sră Jop 26:6

Lơgar làng ƀồc ơm kuh di đap Yàng Tom Trồ, Mơ lơgar brah tìng ò gơs phan jơm gòm.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

II Yal Yau 6:30

gen dan Kơnràñ iat bơh hơđang trồ la tiah ơm sùm Kơnràñ dê, mơ toh glài mơ tơm wơl ală cau Yàng git nùs bol khai, jat be ală gùng dà bol khai dê, tài bơh mìng Yàng git tòm nùs kòn mơnus dê,

Đơs Crih 90:8

Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 2:24

Mơya Yàng Jesu, să tòm Kơnràñ ò dòn kơnòm di bol khai in, bơh Kơnràñ git loh tơl nă cau,

Sră Jop 38:17

Ală mpồng dờng bơta chơt dê neh yal tơlik mê in sơl? Mê neh gŏ ală mpồng dờng bơta klam jơngo cik dê sơl?

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Đơs Crih 139:4

Tian gơs lơmpiat añ òhềt đơs dô jơnau, Ơ Yàng Jehôwa, Kơnràñ neh git tơl jơh rau.

Jơnau Pơnđik 5:21

Bơh ală gùng dà kòn mơnus dê ơm di đap mat Yàng Jehôwa, Mơ Kơnràñ sền sơwì jơh ală gùng lòt bol khai dê.

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Daniel 2:22

Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Mathiơ 6:4

tồ bơta pà gòi mê dê geh ndơp ndơr, mơ Bèp mê la Bơtau gŏ tòm tiah ndơp ndơr, rơp ai wơl mê in.”

Jang 4:16

Yàng Jesu sồr lah: “Lòt tĕ hòi bau klau ai dê, lồc behơ̆ rê wơl hơ do.”