Hebrơ 4:1 - Sră Goh 2018

¹ Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

Hebrơ 4:1 Referans Kwoze

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.

Hebrơ 4:9

Behơ̆, gam gơs dô bơta rlô lơngai be rlô ngai Saƀat làng bol Yàng Tom Trồ in.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

II Timôthe 2:13

Dilah bol he ò dòn song, mơya Kơnràñ kư̆ dòn song sùm, bơh Kơnràñ ò rgơi pơndang sang is Kơnràñ dê.

I Kôrintô 10:12

Behơ̆, cau lơi kơlôi he ntào kơ̆, gen kơrhia tĕ rngòt gơplơ̆.

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

Rôma 3:23

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Khà Làng Bol 14:34

Tòm poan jơt nam, dô nam ala dô ngai, tòm poan jơt ngai bol mê lòt rwang sền lơgar; bol mê rơp kong bòl glar tài bơh tồi glài bol mê dê mơ git bơta Añ tòmdră mơ bol mê la mbe lơi.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Hebrơ 3:11

Tòm tŭ Añ gơjrañ dờng Añ srat să lah: ‘Bol khai rơp ò tŭ lơi geh mut tòm bơta rlô Añ jê.’”

Jơnau Pơnđik 14:16

Cau jak chài rngòt mơ pleh klàs di bơta iơh; Mơya cau tùl gơla pơnhừ să, mơ ò git kơrhia.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.

Mathiơ 24:48

Mơya dilah cau dĭ iơh bơsak ne đơs òm tòm nùs lah: ‘Cau tòm añ jê òbat tus,’

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Galati 5:4

cau lơi tòm oh mi kòñ kơnòm di bơta boh lam tồ geh kòp la song ring, gen oh mi neh cah is bơh Bơtau Krist, tìs nrah bơh di bơta nđàc Yàng Tom Trồ rau?