Hebrơ 3:9 - Sră Goh 2018

⁹ La tiah ồng pàng bol mê neh lòng Añ, bulah bol khai neh gŏ ală broă Añ jê tòm poan jơt nam.

Hebrơ 3:9 Referans Kwoze

Broă 7:36

Khai la cau neh lam bol khai lik bơh lơgar Ejiptơ mơ lơh ală bơta krơi tềl is tòm lơgar Ejiptơ, tòm Dàlềng Pơrhê, mơ tòm ƀlàng bràs ngềt ngơt tòm poan jơt nam.

Yal Wơl 4:9

Mìng pal kơrhia mơ sền gàr nền cê să tòm bol mê dê tồ bol mê ò hŭi ală bơta mơ mat bol mê neh sền gŏ, hala sang lòi ală bơta hơ̆ bơh di nùs tồr bol mê tòm jơh rài kis bol mê dê. Bơto ală bơta hơ̆ ală kòn sau bol mê in, mơ ală kòn sau tơnơ̆ mơ bol khai tai.

Jôsue 24:7

Mơya bol khai hòi dan Yàng Jehôwa dong kòl, gen Kơnràñ ơn bơta klam jơngo digùl bol mê mơ cau Ejiptơ; Kơnràñ sồr dàlềng bồr bol khai. Bol mê neh gŏ mơ mat tòm bol mê dê bơh ală bơta Añ neh lơh cau Ejiptơ in. Tơnơ̆ mơ tŭ bol mê neh ơm jŏ jòng tòm ƀlàng ngềt ngơt.

Yal Wơl 8:4

Ală ồi ào bol mê dê ò gŏ klar sèt mơ jơng bol mê dê ò as tòm pah tŭ tơngai poan jơt nam hơ̆.

Yal Wơl 4:3

Mat bol mê neh gŏ ală bơta mơ Yàng Jehôwa neh lơh tòm broă Baal Pheor. Jehôwa Yàng Tom Trồ bol mê dê neh tơnroh bơh digùl bol mê jơh ală cau jat Baal Pheor,

Lik Ejiptơ 19:4

‘Să tòm bol mê neh gŏ ală bơta Añ neh lơh di Ejiptơ, mbe Añ neh pơdiang bol mê hơđang pơnđar klàng bung, mơ cèng bol mê tus hơ Añ.

Broă 13:8

Mơya cau bơjơu hơ̆ sơnđan jơnau Grek la Elimas, tòmdră mơ bàr nă bol hơ̆, jòi bơta kơryan cau kwang đơng lơgar dòn Yàng.

Luka 7:22

Kơnràñ ho lah: “Rê tĕ yal Jang in ală bơta bol mê neh gŏ mơ kơno: cau jơngo gơs àng, cau kwet gơlte gơs lòt, cau dun gơs goh, cau tĭ gơs klo, cau chơt gơs kis wơl, mơ cau rƀah lơòi gơs kơno bơto yal Jơnau Niam.

Amôs 2:10

Añ neh cèng bol mê lik bơh di lơgar Ejiptơ, mơ tề lam bol mê poan jơt nam tòm ƀlàng bràs nàng bol mê in ai lơgar cau Amôrit dê lơh gơs sre brê.

Jôsue 23:3

mơ să tòm bol mê neh gŏ jơh ală bơta Jehôwa Yàng Tom Trồ bol mê dê neh lơh di ală làng bol do tài bơh bol mê; hơ̆ la Jehôwa Yàng Tom Trồ bol mê dê neh tòmlơh bol mê in.

Yal Wơl 29:2

Môise hòi pơjum bal jơh ală cau Israel mơ đơs mơ bol khai lah: “Mat bol mê neh gŏ jơh ală broă mơ Yàng Jehôwa neh lơh tòm Ejiptơ di Pharaôn, di jơh ală cau kwang duh broă khai mơ jơh ù tiah lơgar khai dê.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Khà Làng Bol 14:33

Ală kòn sau bol mê dê rơp lơh gơs ală cau ê belàt tòm ƀlàng ngềt ngơt do tòm poan jơt nam, kong bòl glar tài bơh bơta ò dòn song bol mê dê, jơl tus di tŭ să jan cau lồi dut tòm bol mê rơp gơpừ tòm ƀlàng ngềt ngơt.

Lik Ejiptơ 20:22

Yàng Jehôwa đơs mơ Môise lah: “Yal tĕ cau Israel in be do: ‘Să tòm bol mê neh gŏ Añ bơh đang trồ đơs mơ bol mê:

Jôsue 5:6

Làng bol Israel neh lòt gùng poan jơt nam tòm ƀlàng ngềt ngơt jơl tus di tŭ jơh ală cau klau la cau ling lik bơh lơgar Ejiptơ neh chơt jơh, tài bơh bol khai ò dòn bơr Yàng Jehôwa. Bơh Yàng Jehôwa neh srat să ho nền mơ bol khai lah, Kơnràñ ò ai bol khai in sền gŏ lơgar mơ Kơnràñ neh srat să ho nền mơ ồng pàng bol khai dê la rơp ai bol he in, hơ̆ la lơgar hòr dà toh mơ dà lơwe.

Yal Wơl 11:7

Mơ hơ̆ la mat tòm bol mê dê neh gŏ jơh ală broă dờng mơ Yàng Jehôwa neh lơh.

Đơs Crih 95:9

Tòm tŭ ồng pàng bol mê dê lòng Añ, mơ ơn Añ lơh cơng tàng; Bulah bol khai neh gŏ broă Añ jê.