Hebrơ 3:5 - Sră Goh 2018

⁵ Môise ngan neh dòn song tòm jơh hìu Yàng Tom Trồ dê be dô nă cau dĭ gơna, nàng lơh cơng bơh ală bơta rơp đơs bơh tơnơ̆.

Hebrơ 3:5 Referans Kwoze

Khà Làng Bol 12:7

Mơya ò di behơ̆ mơ cau duh broă Añ jê la Môise, khai la dòn song tòm jơh hìu Añ.

Hebrơ 3:2

Kơnràñ dòn song mơ Bơtau neh pồ bơtào Kơnràñ, kung be Môise dòn song tòm hìu Yàng Tom Trồ dê.

Lik Ejiptơ 14:31

Mơ tòm tŭ cau Israel neh gŏ gơnap gơnoar dờng Yàng Jehôwa dê tòmdră mơ cau Ejiptơ, gen làng bol rngòt di Yàng Jehôwa, dòn kơnòm di Kơnràñ mơ di Môise la cau duh broă Kơnràñ dê.

Đơs Crih 105:26

Kơnràñ sồr Môise la cau duh broă Kơnràñ dê, Mơ Arôn la cau Kơnràñ neh sac rwah.

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Hebrơ 8:5

Bol hơ̆ duh broă jat sơnoa rnoas mơ rùp ală bơta hơđang trồ dê, be Môise tòm tŭ khai rơp bơtào gơs Hìu Ing Duh Khoai, gen geh Yàng Tom Trồ nting mơ khai lah: “Kơrhia tĕ, lơh jơh ală bơta jat sơnoa rnoas neh sơnio mê in hơđang mơnơm.”

I Timôthe 1:12

Añ ưnngài Krist Jesu la Yàng bol he dê, Bơtau neh ai bơtơl pràn añ in, bơh Kơnràñ neh sơwì nền añ la cau dòn song, bơtào añ lơh gơnoar broă do;

Jôsue 1:2

“Môise, cau duh broă Añ jê neh chơt; tŭ do mê mơ jơh làng bol do guh tĕ, tiă hiòng Jordan mơ mut tòm lơgar mơ Añ rơp ai làng bol Israel in.

Yal Wơl 34:5

Mơ Môise, cau duh broă Yàng Jehôwa dê chơt tềng hơ̆ tòm Môap, tòm toh jat be Yàng Jehôwa neh đơs.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Rôma 3:21

Mơya tŭ do bơta song ring Yàng Tom Trồ dê neh geh yal tơlik ò di kơnòm dê bơta boh lam. Bulah bơta hơ̆ neh gơs bơta boh lam Môise mơ ală cau gơnoar hwơr lơh cơng.

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Luka 24:44

Mơ Kơnràñ đơs mơ bol khai lah: “Do la jơnau Añ neh đơs mơ bol mê tòm tŭ Añ gam ơm bal mơ bol mê, mbe lơi ală bơta neh cih bơh Añ tòm sră boh lam Môise dê, tòm sră ală cau gơnoar hwơr mơ tòm Sră Đơs crih pal gơlik gơs di ngan.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Jôsue 8:31

kung be Môise cau duh broă Yàng Jehôwa dê neh bơto sồr cau Israel, be neh cih tòm Sră Bơta Boh Lam Môise dê: “dô nơm cơnòng duh khoai bơt mơ lŭ òhềt phàt mơ òhềt ngui pơnhàt lòs.” Hơđang hơ̆ bol khai ơn phan duh khoai chu pơrguc Yàng Jehôwa in, mơ ơn phan duh khoai bơta ring lơngai dê.

I Kôrintô 4:2

Mơ tai, cau at bồ hìu pal gơs dô bơta, hơ̆ la pal dòn song.

Broă 7:37

Să tòm Môise do neh đơs mơ kòn sau Israel lah: ‘Yàng Tom Trồ rơp bơh digùl bol mê mơ bơtào tơngguh dô nă Cau gơnoar hwơr be añ.’

Luka 12:42

Yàng đơs lah: “Ñcau la cau at bồ hìu dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà bol khai in phan sa di di jơ taih?

Mathiơ 25:21

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Mathiơ 24:45

“Ñcau la dĭ dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà phan sa bol khai in di di jơ taih?

Jôsue 8:33

Jơh Israel, cau làng bơdìh mơ cau làng tòm bal mơ ală cau kwang kra bol khai dê, ală cau kwang at bồ mơ ală cau kwang cahrña ntào bàr gah Đài Bơta Ho Bal Yàng Jehôwa dê, di đap ală cau gơnoar ơn phan duh khoai tòm jơi bơtiàn Lebi, la ală cau tùng Đài Bơta Ho Bal Yàng Jehôwa dê, nggùl tòm bol khai ơm di đap mơnơm Gerijim, mơ nggùl ơm di đap mơnơm Ebal, jat be Môise cau duh broă Yàng Jehôwa dê neh sồr dơ̆ sơnròp, mơ bol khai pal ai lơngai làng bol Israel in.

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:7

Mìng lơh tĕ pràn kơldang mơ khin cha, kơrhia lơh jat jơh ală bơta boh lam mơ Môise la cau duh broă Añ jê neh sồr mê; bañ wèt hơ đah ma hala đah kiau tồ tiah lơi mê lòt kung rơp gơlik cồng nha.

Yal Wơl 3:24

“Khoai Yàng Jehôwa la Bơtau At Bồ Hơđang Rlau Jơh, Kơnràñ neh sơntòm yal tơlik cau duh broă Kơnràñ in bơta dờng ryŭ mơ tê pràn kơldang Kơnràñ dê. Bơh hơđang trồ hala tòm ù gơs yàng lơi gơs broă lơh mơ lơh ală broă gơnap gơnoar be Kơnràñ neh lơh sơl ơ?

Nehemi 9:14

Kơnràñ neh yal bol khai in git ngai rlô sàng goh Kơnràñ dê, ai bol khai in ală bơta gơnoar sồr, bơta lơh nền mơ bơta boh lam. Gan di Môise cau duh broă Kơnràñ.

Lik Ejiptơ 40:16

Môise lơh jơh ală bơta tòm toh jat be Yàng Jehôwa neh sồr khai.

Hebrơ 1:1

Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,

Hebrơ 3:4

Ngan, hìu lơi kung pal gơs cau bơt bơtào gơ, mơya Bơtau neh bơtào gơs jơh ală phan la Yàng Tom Trồ.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!