Hebrơ 3:12 - Sră Goh 2018

¹² Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Hebrơ 3:12 Referans Kwoze

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

I Kôrintô 10:12

Behơ̆, cau lơi kơlôi he ntào kơ̆, gen kơrhia tĕ rngòt gơplơ̆.

Hebrơ 10:38

Cau song ring añ jê rơp kis bơh bơta dòn, Dilah ruc wơl, gen hwềng soàn añ ò chò hòp bơh khai dô êt lơi.”

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Hebrơ 3:10

Gen tàng Añ neh gơjrañ di jơi bơtiàn do, Mơ đơs lah: ‘Tòm nùs bol khai tìs nrah sùm, Mơ ò đal git gùng dà Añ jê.’

Jơnau Niam Jat Mak 13:33

Kơrhia, mơ drơng kơp tĕ, bơh bol mê ò git tŭ tơngai hơ̆ la tŭ lơi.

Mathiơ 24:4

Yàng Jesu ho lah: “Kơrhia tĕ, bañ lòi cau pơrlồm bol mê.

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jơnau Pơnđik 1:32

Bơh bơta kơldang nùs tơnchơt ală cau ƀă liă, Mơ bơta ai lơh tơl cau bơrngơl gơla dê rơp tơnchơt bol khai.

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Sră Ôse 1:2

Tŭ Yàng Jehôwa sơntòm đơs mơ Ôse gen Kơnràñ sồr khai lah: “Lòt tĕ bau mơ dô nă cau ùr dri tơlàr, mơ deh kòn rềs àr bơrnàn, tài bơh ƀòn lơgar do neh sang lòi Yàng Jehôwa mơ tìs glài rềs àr bơrnàn.”

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

Đơs Crih 18:21

Bơh añ neh lơh jat nùs kòñ Yàng Jehôwa dê, ò lơh iơh bơsak mơ sang lòi Yàng Tom Trồ añ jê.

Sră Jop 22:17

Bol khai đơs mơ Yàng Tom Trồ lah: ‘Dan lòi bol hi ơm is; Ñchi bơta Bơtau Gơnap Gơnoar Làm Jơh rgơi lơh di bol hi taih?’

Rôma 11:21

Bơh dilah Yàng Tom Trồ ò pơlai ală ntê tòm, gen Kơnràñ kung ò pơlai mê sơl.

Luka 21:8

Kơnràñ đơs lah: “Kơrhia tĕ, rngòt bol mê gơkòl pơrlồm tìs nrah mòn, bơh gơs oă cau rơp ai sơnđan Añ lòt tus mơ đơs lah: ‘Añ la Krist!’ mơ lah: ‘Tŭ tơngai neh tus rềp.’ Bol mê bañ lòt jat bol khai.

Jơnau Niam Jat Mak 13:23

Kơrhia tĕ, do Añ neh yal lài jơh ală bơta bol mê in rau.”

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Sră Jop 21:14

Bol khai đơs mơ Yàng Tom Trồ lah: ‘Lòi tĕ dò bol hi, bol hi ò kòñ git ală gùng dà Kơnràñ dê.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

Hebrơ 3:19

Behơ̆, bol he gŏ bol khai ò rgơi mut tòm hơ̆ la tài bơh ò dòn.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Hebrơ 10:31

Cau lơi dùh tòm tê Yàng Tom Trồ gam kis sùm gen la sơbơng roh ngan!

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,

Ejekiel 14:5

nàng Añ rơp tơrgòm prap wơl nùs làng bol Israel dê, bơh bol khai neh lòt ngài bơh Añ mơ duh khoai rùp ràk.”’