Hebrơ 3:1 - Sră Goh 2018

¹ Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

Hebrơ 3:1 Referans Kwoze

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Philip 3:14

Behơ̆ añ ntoat song hơ tơnggu tồ sơmbat geh phan ƀàn bơh bơta hòi sac hơđang trồ Yàng Tom Trồ dê tòm Yàng Krist Jesu.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Hebrơ 10:21

bơh bol he neh gơs dô nă cau gơnoar dờng lam bồ ơn phan duh khoai at bồ hìu Yàng Tom Trồ dê,

Ephesô 4:4

Gơs mìng dô nơm să jan, dô nă Yàng Hwềng, kung be oh mi neh geh hòi sac tus tòm dô bơta gơn kơnòm gơrê bal mơ bơta hòi sac oh mi dê.

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

I Kôrintô 9:23

Jơh ală broă añ lơh gen lơh tài bơh Jơnau Niam, tồ añ in kung geh tòmpà bơta lơngai lơngò Jơnau niam dê.

II Timôthe 2:7

Kơlôi sơnơng tĕ di jơnau añ đơs do, bơh Yàng rơp ai mê in git wă jơh ală bơta.

I Timôthe 6:12

Tòmlơh tĕ bơta tòmlơh niam bơta dòn dê; sơmbat kơ̆ di bơta kis gam sùm sùm, bơh mê neh geh hòi sac tus hơ bơta hơ̆, mơ kung bơh hơ̆ mơ mê neh yal tơlik bơta yal tơlik niam di đap oă cau lơh cơng.

Rôma 15:8

Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in,

Hebrơ 2:11

Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Sră Age 1:5

Gen tàng tŭ do, Yàng Jehôwa Gơnap Gơnoar Dờng Làm Jơh đơs be do: ‘Ơn tĕ nùs kơlôi sơwì bơh ală gùng dà bol mê dê.

Đơs Crih 110:4

Yàng Jehôwa neh srat să, mơ rơp ò tòmgơl nùs: “Mê la cau gơnoar ơn phan duh khoai gam sùm sùm, jat mpồl Melcijedek.”

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Esai 1:3

Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

I Timôthe 6:2

Cau lơi gơs cau tòm la cau dòn jat, gen ò di ai kai bơh la oh mi mơ sền òsơp di khai; mơya pal sơlo duh broă lin rlau tai, bơh cau dòp geh tơngai broă he dê la cau dòn jat mơ la cau he kòñ gơboh. Hơ̆ la ală bơta mê pal bơto sồr mơ bơto tơngkah.

II Tesalônika 2:14

Kơnràñ kung ngui Jơnau Niam mơ bol he bơto yal mơ hòi oh mi tus hơ bơta hơ̆, nàng oh mi in dòp geh bơta gơklŏ Yàng Jesu Krist bol he dê.

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

I Tesalônika 5:27

Añ ai sơnđan Yàng mơ nting sồr oh mi sền tĕ sră pơyoa do jơh ală oh mi in iat.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

II Kôrintô 1:7

Bơta gơn kơnòm bol hi dê bơh oh mi la kơ̆ cê ngan, bơh git lah be oh mi gơs pơnah tòm bơta bòl glar, gen tàng kung gơs pơnah tòm bơta pơndòm pơniang sơl.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

Rôma 15:27

Ngan bol khai gơs nùs chò hòp lơh broă hơ̆, mơ kung kòl dồs di ală cau hơ̆ sơl; bơh dilah cau làng bol bơdìh neh dòp geh pơnah tòm ală bơta đah hwềng cau Juda dê, gen kung pal ai phan đah poac să nàng dong kòl bol khai wơl.

Rôma 11:17

Mơya dilah gơs bàr pe ntê neh gơkòl koh, mơ mê ngan la chi ôlibe brê, geh crap tòp digùl ală ntê hơ̆, nàng geh dô pơnah bal mơ bol khai tòm dà bơsơt mơ ryas chi ôlibe hơ̆ dê,

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

Jang 20:27

Chòp Kơnràñ đơs mơ Thôma lah: “Ai tĕ ràs tê mê ƀư tềng do mơ sền tĕ tê Añ, ai tĕ tê mê ƀư dê wĕ Añ; bañ pin, mơya dòn tĕ.”

Sră Age 2:15

Mơya tŭ do, kơlôi sơwì tĕ ală bơta rơp tus bơh ngai do jơl tus hìng nau. Lài mơ tŭ dô pơnai lŭ neh ơn hơđang dô pơnai lŭ nàng bơt hìu duh khoai Yàng Jehôwa dê,

Ejekiel 18:28

Tài bơh khai kơlôi sơwì jơh ală bơta tồi glài mơ khai neh lơh mơ pơrlac ngài bơh di ală bơta hơ̆, di ngan la khai rơp kis mơ ò chơt.

Ejekiel 12:3

Behơ̆ gen, ơ kòn mơnus, mê rcang tĕ phan mơna ơn tòm kơldung nàng kong kup cèng mơ digùl ngai di đap bol khai, mê lik tĕ mơ lòt bơh di tiah mê ơm tus hơ dô bă tiah ndai di đap mat bol khai. Digơlan bol khai rơp git wă bulah bol khai la dô nơm làng bol jak tòmdră.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

I Pier 3:5

Bơh ală cau ùr sàng goh rài yau gơn kơnòm di Yàng Tom Trồ, bol khai kung neh sơmpô să he behơ̆ sơl, mơ dòn duh bau klau he,

Hebrơ 9:11

Mơya Bơtau Krist neh tus lơh gơs cau gơnoar dờng lam bồ ơn phan duh khoai gơwèt mơ ală bơta niam neh tus rau, Kơnràñ neh mut tòm Hìu Ing Duh Khoai dờng rlau mơ wil tơl rlau, ò di bơh tê kòn mơnus bơtào gơs, hơ̆ ò di la bal mơ ală phan tòm rài do.

Hebrơ 6:20

la tiah Yàng Jesu neh bơh bol he mơ mut lài tòm hơ̆, mơ gơlik gơs cau gơnoar dờng lam bồ ơn phan duh khoai gam sùm sùm jat mpồl Melcijedek.

Ephesô 3:6

Bơta ndơp ndơr hơ̆ la làng bol bơdìh kơnòm di Jơnau Niam geh pơnah bal mơ cau Juda tòm bơta lơngai Yàng Tom Trồ dê; bol khai la ală cau tòm dô nơm să jan bal mơ pơrdòn bơta ho bal Yàng Tom Trồ neh lơh gơs tòm Yàng Krist Jesu.

I Kôrintô 10:17

Bơh gơs mìng dô nơm piang lă, mơ bol he bulah oă cau kung mìng dô nơm să jan; bơh jơh ală bol he gơs pơnah tòm dô nơm piang lă hơ̆.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

II Kôrintô 9:13

Bơh kơnòm dê bơta pà gòi phan hơ̆, bol khai đal git oh mi dòn jat Jơnau Niam Bơtau Krist dê mơ oh mi neh ràng tơlik, mơ kơnòm dê bơta pà gòi wìu ơnàng oh mi dê gơwèt mơ bol khai mơ gơwèt mơ tơl nă cau, gen bol khai jòng ro Yàng Tom Trồ.

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Hebrơ 7:28

Bơh bơta boh lam pồ bơtào ală cau lơbơn lơño lơh gơs ală cau gơnoar dờng lam bồ ơn phan duh khoai, mơya jơnau ho nền tus tơnơ̆ mơ bơta boh lam, gen pồ bơtào Kòn la Bơtau neh geh wil tơl gam sùm sùm.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Hebrơ 10:19

Ơ ală oh mi, bơh bol he neh kơnòm di mhàm Yàng Jesu dê, nàng gơs nùs dòn nền khin cha mơ lòt tus di Tiah Sàng Goh Ngan,

Hebrơ 10:23

Bol he pal prap kơ̆ bơta gơn kơnòm mơ bol he neh gơs nàng gơ ò lơnggơr, bơh Yàng Tom Trồ neh ho pơgon la Bơtau lơh jat jơnau ho Kơnràñ dê.

Hebrơ 13:22

Ơ oh mi, añ cih dô êt jơnau do oh mi in, dan oh mi dòp jơnau bơto tơngkah do.