Hebrơ 2:9 - Sră Goh 2018

⁹ Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.

Hebrơ 2:9 Referans Kwoze

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

Rôma 5:18

Gen tàng, bơh mìng bơta tìs glài dô nă cau dê tàng jơh tơl nă cau kong lơh nền glài be lơi, gen kung behơ̆ sơl bơh mìng dô nơm broă song ring dô nă cau dê, gen tàng jơh tơl nă cau geh kòp la song ring tồ dòp geh bơta kis.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

II Kôrintô 5:15

Mơ cau hơ̆ neh chơt bơh tơl nă cau, tồ ală cau gam kis ò di kis să tòm he in tai, mơya kis Yàng in la Bơtau neh kong chơt mơ kis wơl ala bol khai.

Hebrơ 10:5

Behơ̆ tàng, tòm tŭ Bơtau Krist lòt tus tòm dunnia, gen đơs lah: “Yàng ò kòñ phan ơn duh khoai mơ phan ơn, Mơya Kơnràñ neh rcang sir Añ in dô nơm să jan rau.

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 12:32

Ai Añ, tòm tŭ Añ geh yồng hơđang bơh di ù, Añ rơp hwài tơl nă cau tus hơ Añ.”

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Hebrơ 8:3

Jơh ală cau gơnoar dờng lam bồ ơn phan duh khoai neh geh pồ bơtào nàng ơn phan pơdơng mơ phan ơn duh khoai, gen tàng Cau do kung pal gơs phan nàng ơn sơl.

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

Jang 10:17

Tài behơ̆ tàng Bèp kòñ gơboh dê Añ, la bơh Añ phi bơta kis Añ nàng geh dòp wơl.

Jang 8:52

Ală cau Juda đơs lah: “Bol hi git loh Cau Bơto kòl cà lơh; Abraham neh chơt, ală cau gơnoar hwơr kung behơ̆ sơl, mơ Cau Bơto đơs lah: ‘Dilah cau lơi prap gàr jơnau Añ, gen rơp ò tŭ lơi git làm bơta chơt!’

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Yal Tơlik 19:12

Gar mat Kơnràñ dê be lơmpiat ồs, bồ ndau oă sơgơn bơtau; gơs cih dô sơnđan, sơnđan hơ̆ rlau mơ Kơnràñ ò gơs cau lơi git.

Hebrơ 2:7

Yàng neh lơh Kòn Mơnus gơhuc dô êt mơ cau gơnrơh, Tơndau sơgơn bơtau gơklŏ mơ ryŭ ryơm Khai in, Ơn Khai hơđang ală broă tê Yàng lơh,

Luka 9:27

Añ đơs song mơ bol mê, tòm ală cau ntào tềng do ngan gơs cau rơp ò mut tòm bơta chơt lài mơ tŭ gŏ lơgar Yàng Tom Trồ.”

Jơnau Niam Jat Mak 9:1

Kơnràñ đơs tai mơ ală cau bơtê lah: “Di ngan Añ đơs mơ bol mê, tòm ală cau ntào tềng do, ngan gơs cau rơp ò chơt lài mơ tŭ gŏ lơgar Yàng Tom Trồ ai gơnap gơnoar mơ tus.”

Mathiơ 6:28

Ñchi bơh tài bol mê kơlôi rcang bơh phan soh taih? Sền kơlôi tĕ di ală bơkào gun tòm ƀlàng hòn be lơi; gơ ò gơs bòl glar, ò rồi brài.

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Jang 8:51

Di ngan, Añ đơs ngan mơ bol mê, dilah cau lơi prap gàr jơnau Añ, gen rơp ò tŭ lơi gŏ bơta chơt ò.”

Hebrơ 1:9

Kơnràñ kòñ gơboh di bơta song ring, gơjrañ kơuềng di bơta ò jat bơta boh lam. Gen tàng Yàng Tom Trồ, la Yàng Tom Trồ Kơnràñ dê, neh bong mơñà Kơnràñ in mơ mơñà bơta hòn chò, Rlau mơ ală gơp bơyô Kơnràñ dê.”

Hebrơ 11:5

Bơh bơta dòn Enôk geh cèng guh hơđang trồ ò gan bơta chơt; cau ò gam gŏ khai tai, bơh Yàng Tom Trồ neh cèng khai guh hơđang. Bơh lài mơ tŭ hơ̆ khai neh geh lơh cơng la niam nùs Yàng Tom Trồ.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.