Hebrơ 2:10 - Sră Goh 2018

¹⁰ Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Hebrơ 2:10 Referans Kwoze

Rôma 11:36

Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 6:20

la tiah Yàng Jesu neh bơh bol he mơ mut lài tòm hơ̆, mơ gơlik gơs cau gơnoar dờng lam bồ ơn phan duh khoai gam sùm sùm jat mpồl Melcijedek.

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Luka 24:26

Ò di Bơtau Krist pal kong ală bơta bòl glar behơ̆, gen sồng mut tòm bơta gơklŏ Kơnràñ dê ò ơ?”

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Hebrơ 7:28

Bơh bơta boh lam pồ bơtào ală cau lơbơn lơño lơh gơs ală cau gơnoar dờng lam bồ ơn phan duh khoai, mơya jơnau ho nền tus tơnơ̆ mơ bơta boh lam, gen pồ bơtào Kòn la Bơtau neh geh wil tơl gam sùm sùm.

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

Rôma 9:23

Kơnràñ kung kòñ yal tơlik bơta pas gơs bơta gơklŏ Kơnràñ dê gơwèt hơ bol he la ală cau pal kòñ nđàc mơ Kơnràñ neh rcang lài nàng dòp bơta gơklŏ Kơnràñ dê;

Broă 3:15

Ală oh mi neh tơnchơt Bơtau Tòm ryas bơta kis dê mơ Yàng Tom Trồ neh lơh kis wơl bơh bơta chơt, mơ bol hi la cau lơh cơng bơta hơ̆.

Jơnau Pơnđik 16:4

Yàng Jehôwa crơng gơs ală jơi phan gơs tơnggume broă gơ dê; Tian gơs cau iơh, prap lòi ngai rung rài in.

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

II Kôrintô 5:18

Jơh ală bơta hơ̆ gơlik gơs bơh Yàng Tom Trồ; Kơnràñ neh kơnòm di Bơtau Krist mơ lơh bol he in gơtòmsòr wơl mơ Kơnràñ, mơ jào bol hi in gơnoar broă lơh cau in gơtòmsòr wơl.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Jang 19:30

Tŭ Yàng Jesu neh liap dà sràt hơ̆, gen đơs lah: “Sir rau.” Gen Kơnràñ kun bồ mơ tơlik hwềng.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Luka 13:32

Kơnràñ sồr bol khai lah: “Lòt tĕ yal mơ pì òng hơ̆ lah: ‘Do, Añ bơtrơh tơlik cà, sơmbòi bơta kòp jê ngai do, ngai hìng, tus di ngai pe gen Añ geh wil tơl.

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Mice 2:13

Dô nă cau pò gùng rơp guh lài mơ bol khai; bol khai rơp brồ tus lòt gan di mpồng dờng mơ lik bơh hơ̆. Cau bơtau bol khai dê rơp lòt gan di đap bol khai, Yàng Jehôwa lam bồ bol khai.”

Sră Ôse 8:10

Bulah bol khai neh tòmpơyòm bơh bơta tac rwat mơ ală làng bol, tŭ do Añ rơp pơjum tơrgòm bol khai wơl. Ò jŏ tai bol khai rơp kong pơnjê pơngkồr oă ngan hơđơm ơnòng kơnjơ̆ ală cau bơtau mơ cau kwang at bồ dê.

Esai 55:4

Ne, Añ neh bơtào khai lơh gơs cau lơh cơng ală làng bol in lơh gơs kwang lam bồ mơ kwang at bồ ală làng bol.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Khà Làng Bol 7:15

dô nơm kơnrồ dam gam dềt, dô nơm belàt dam mơ dô nơm belàt dam tơl dô nam, lơh gơs dô nơm phan ơn chu pơrguc;