Hebrơ 13:9 - Sră Goh 2018

⁹ Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

Hebrơ 13:9 Referans Kwoze

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Rôma 14:6

Cau prap gàr ngai la bơh Yàng mơ prap gàr; cau sa la bơh Yàng mơ sa, bơh bol khai ưnngài Yàng Tom Trồ; cau ò sa kung bơh Yàng mơ ò sa, mơ bol khai kung ưnngài Yàng Tom Trồ sơl.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

II Tesalônika 2:17

pơndòm pơniang nùs oh mi dê, lơh oh mi in gơs kơ̆ nền tòm jơh ală broă niam mơ jơnau đơs niam.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 24:4

Yàng Jesu ho lah: “Kơrhia tĕ, bañ lòi cau pơrlồm bol mê.

Kôlôse 2:4

Añ đơs behơ̆ tồ klàs cau lơi ai jơnau lac lèo mơ pơrlồm oh mi.

II Kôrintô 1:21

Hơ̆ la Yàng Tom Trồ la Bơtau lơh kơ̆ nền bol hi mơ oh mi in tòm Bơtau Krist, mơ neh bong mơñà bol hi in;

I Kôrintô 8:8

Ò di bơh phan sa mơ bol he geh đềt mềr mơ Yàng Tom Trồ. Dilah bol he ò sa, kung ò gơhuc bơta lơi; dilah sa kung ò gơlin bơta lơi.

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 14:2

Cau do dòn lah geh gơnoar sa jơh ală bơta di lơm; ai cau ne la cau lơbơn lơño, sa mìng biap lơm.

Broă 20:32

Tŭ do, añ jào oh mi Yàng Tom Trồ in mơ tòm jơnau bơta nđàc Kơnràñ dê sơl, la jơnau rgơi bơt bơtào mơ ai sre brê oh mi in bal mơ jơh ală cau neh gơlik gơs sàng goh.

II Tesalônika 2:2

bañ lòi nùs kơlôi oh mi dê mhar lơnggơr, kung bañ dơrcul bơh hwềng lơi, hala bơh jơnau đơs, hala bơh sră pơyoa lơi gơlơh be bol hi neh pơyoa, mơ đơs lah ngai Yàng dê neh tus rau.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

Đơs Crih 112:8

Nùs khai ơm kơ̆, ò rngòt di bơta lơi, Tòm tŭ lồi dut bol khai rơp gŏ ală cau sò tơm di khai kong sal tê.

Luka 5:38

Mơya tơrnòm pa pal tròc tòm nhồng gơltau pa.