Hebrơ 13:8 - Sră Goh 2018

⁸ Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Hebrơ 13:8 Referans Kwoze

Malaci 3:6

“Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Hebrơ 1:12

Kơnràñ rơp pồt gơ be ào bơdìh, Gơ rơp tòmgơl be ồi ào, Mơya Yàng gam be òs, Ală nam Yàng dê ò tŭ lơi lồi.”

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Đơs Crih 90:2

Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

Đơs Crih 103:17

Mơya bơta kòñ gơboh kơ̆ dơn Yàng Jehôwa dê gam sùm sùm Gơwèt mơ ală cau duh rngòt di Kơnràñ, Mơ bơta song ring Kơnràñ dê gam sùm sùm gơwèt mơ sau set bol khai dê.

Esai 41:4

Ñcau neh lơh gơs mơ lơh sir ală bơta do, hòi ală rài bơh tŭ sơnròp taih? Añ, la Yàng Jehôwa, Añ Bơtau Sơnròp mơ Lồi Dut.

Đơs Crih 90:4

Tài bơh, di đap Yàng dô rbô nam la kung be ngai òr neh rlau, Hala kung be dô jơ drơng mang.

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,

II Kôrintô 1:19

Bơh Kòn Yàng Tom Trồ la Yàng Jesu Krist mơ bol hi, hơ̆ la añ mơ Silwan mơ Timôthe, neh bơto yal digùl oh mi, ò di đơs ƀà di ƀà ò; mơya tòm Kơnràñ mìng gơs bơta di lơm.

Yal Tơlik 1:11

“Cih tĕ bơta mê gŏ tòm dô dap sră mơ pơyoa poh nơm Hìu Jum Goh in: Hìu Jum Goh Ephesô, Simirnơ, Pergam, Thiatirơ, Sardis, Philadelphi, mơ Laodise.”

Sơnròp Gơlik Gơs 21:33

Abraham tam dô đòm ơmil tòm tiah Beerseba, mơ tềng hơ̆ khai hòi dan di sơnđan Yàng Jehôwa la Yàng Tom Trồ gam sùm sùm.

Lik Ejiptơ 3:14

Yàng Tom Trồ đơs mơ Môise lah: “AÑ LA BƠTAU GƠS IS GAM GƠS SÙM SÙM.” Kơnràñ đơs tai lah: “Yal tĕ làng bol Israel in be do: ‘BƠTAU GƠS IS neh sồr añ lòt tus hơ bol mê.’”

II Kôrintô 1:20

Bơh jơh ală jơnau ho pơgon Yàng Tom Trồ dê, bulah oă kung la di lơm tòm Kơnràñ, gen tàng bơh Kơnràñ mơ bol he đơs “Amen” nàng bơh bol he mơ Yàng Tom Trồ geh gơklŏ.

Jude 1:25

hơ̆ la Yàng Tom Trồ mìng dùl lơm mơ la Yàng Jesu la Yàng Dong Klàs bol he dê; dan bơta gơklŏ, bơta ryŭ ryơm, gơnoar pràn mơ gơnap gơnoar gơrê bal mơ Kơnràñ bơh ală rài lài, tus di tŭ do, jơl tus sùm sùm. Amen.