Hebrơ 13:7 - Sră Goh 2018

⁷ Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

Hebrơ 13:7 Referans Kwoze

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Philip 3:17

Ơ ală oh mi, dô nùs bal đòm tĕ añ, mơ sền ală cau lơh jat krơh mơ oh mi neh gŏ tòm bol hi.

Hebrơ 6:12

tồ oh mi in ò lơh alah, mơya oh mi đòm jat ală cau gơs bơta dòn mơ bơta ơt ơl nàng pơrdòn jơnau ho pơgon.

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

Mathiơ 24:45

“Ñcau la dĭ dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà phan sa bol khai in di di jơ taih?

I Timôthe 3:5

bơh dilah cau lơi ò git at bồ hìu nhă tòm he dê, gen mbe rgơi sền gàr Hìu Jum Goh Yàng Tom Trồ dê taih?

Hebrơ 13:24

Dan còp să jơh ală cau tề lam oh mi, mơ jơh tơl nă cau sàng goh. Ală cau Itali pơyoa jơnau còp să oh mi.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

I Kôrintô 4:16

Behơ̆, añ bơto tơngkah oh mi, pal đòm krơh añ.

Rôma 10:17

Behơ̆ bơta dòn tus bơh bơta kơno, mơ bơta kơno tus bơh jơnau Bơtau Krist geh bơto yal.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Đơs Chò 1:8

Dilah ai òhềt git, Ơ cau hàng mơnĕ rlau jơh tòm ală cau ùr, lòt jat tĕ tềl mpồl dê, mơ ê ală be kòn he dê rềp di gah sàl cau ê belàt dê.

Yal Tơlik 6:9

Tòm tŭ Belàt Kòn tă ƀang kì dơ̆ pram, añ gŏ tòm tiah cơnòng duh khoai gơs ală hwềng soàn ală cau neh kong sreh chơt, tài bơh jơnau Yàng Tom Trồ mơ jơnau lơh cơng bol khai dê.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

II Tesalônika 3:9

Hơ̆ ò di la tài bơh bol hi ò geh gơnoar, mơya hơ̆ la nàng lơh krơh oh mi in, tồ oh mi in đòm jat bol hi.

I Kôrintô 11:1

Đòm tĕ krơh añ, kung be añ đòm krơh Bơtau Krist sơl.

Luka 12:42

Yàng đơs lah: “Ñcau la cau at bồ hìu dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà bol khai in phan sa di di jơ taih?

Luka 8:11

Mơ tai, pơnyơu hơ̆ la be do: Gar sơntìl la jơnau Yàng Tom Trồ dê.

II Tesalônika 3:7

Bơh să tòm oh mi git mbe pal đòm jat bol hi, bơh bol hi ò tŭ lơi lơh lòt ală alai digùl oh mi.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Luka 5:1

Tòm tŭ Yàng Jesu ơm ntào di gah tơnau dờng Genesaret, mpồl làng bol ntềt di Kơnràñ nàng iat jơnau Yàng Tom Trồ.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.