Hebrơ 13:6 - Sră Goh 2018

⁶ Behơ̆ gen bol he gơs nùs dòn nền mơ đơs lah: “Yàng la Bơtau dong kòl añ jê, añ rơp ò rngòt, Ñchi kòn mơnus rgơi lơh di añ taih?”

Hebrơ 13:6 Referans Kwoze

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Đơs Crih 124:8

Bơta dong kòl bol he dê ơm tòm sơnđan Yàng Jehôwa, La Bơtau neh crơng gơs trồ mơ tiah.”

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Đơs Crih 56:4

Tòm Yàng Tom Trồ mơ añ jòng ro jơnau Kơnràñ dê. Añ dòn kơnòm di Yàng Tom Trồ, añ ò gơs rngòt. Ñchi cau poac să rgơi lơh di añ taih?

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Đơs Crih 54:4

Mơya ngan, Yàng Tom Trồ la Bơtau dong kòl añ; Yàng la Bơtau yò tơngguh bơta kis añ jê.

Đơs Crih 33:20

Hwềng soàn bol hi dê kơp gơn Yàng Jehôwa; Kơnràñ la bơta dong kòl mơ la khèl bol hi dê.

Đơs Crih 63:7

Bơh Yàng neh dong kòl añ, Tòm tiah mƀur pơnđar Kơnràñ dê añ rơp đơs chò bơh nùs hòn chò.

Đơs Crih 94:17

Dilah Yàng Jehôwa neh ò dong kòl añ, Gen hwềng soàn añ neh ơm mo tòm tiah ngềt ngơt rau.

Đơs Crih 40:17

Ai añ do la rƀah lơòi mơ siơ̆u siar; Mơya Yàng kah kơlôi bơh añ. Kơnràñ la Bơtau dong kòl añ mơ la Bơtau dong tă añ; Ơ Yàng Tom Trồ añ jê, dan bañ lơh òbat nyà.

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Đơs Crih 27:9

Dan bañ pồn ndơp mat Yàng bơh di añ. Bañ bơtrơh tơlo cau duh broă Kơnràñ dê tòm tŭ Kơnràñ gơhào gơjrañ, Ơ Yàng la Bơtau neh dong kòl añ. Ơ Yàng Tom Trồ bơta dong klàs añ jê, Dan bañ sang añ mơ bañ lòi añ.

Đơs Crih 146:3

Bañ dòn kơnòm di ală kwang bàng, bañ dòn kơnòm di kòn mơnus, la cau ò rgơi dong kòl.

Yal Wơl 33:26

“Ò gơs yàng lơi ndai kung be Yàng Tom Trồ Jesurun dê, Kơnràñ hào hơđang ală tap trồ nàng dong kòl mê, mơ hơđang ală mhwal tòm bơta ryŭ ryơm Kơnràñ dê.

Lik Ejiptơ 18:4

mơ dô nă sơnđan lah: Eliejer bơh khai neh đơs lah: “Yàng Tom Trồ bèp añ jê la Bơtau dong kòl añ; Kơnràñ neh dong añ klàs bơh di đào Pharaôn.”

Hebrơ 10:19

Ơ ală oh mi, bơh bol he neh kơnòm di mhàm Yàng Jesu dê, nàng gơs nùs dòn nền khin cha mơ lòt tus di Tiah Sàng Goh Ngan,

I Samuel 23:17

Khai đơs mơ Dabit lah: “Bañ rngòt, bơh tê bèp añ la Sol rơp ò bàn bi. Bi rơp lơh gơs bơtau at bồ Israel, mơ añ rơp gơs kwang at bồ dơ̆ bàr tơnơ̆ mơ bi. Bèp añ jê Sol kung git bơta do behơ̆ sơl.”

I Ală Bơtau 17:8

Gen gơs jơnau Yàng Jehôwa dê tus mơ Eli lah: