Hebrơ 13:5 - Sră Goh 2018

⁵ Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Hebrơ 13:5 Referans Kwoze

Yal Wơl 31:8

Să tòm Yàng Jehôwa rơp lòt di đap bol mê mơ rơp ơm bal mơ bol mê, Kơnràñ rơp ò tŭ lơi sang bol mê hala lòi bol mê. Bañ rngòt; bañ gơplơ̆ nùs.”

Jôsue 1:5

Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Yal Wơl 31:6

Lơh tĕ pràn kơldang mơ khin cha. Bañ rngòt cù kìr tài bơh bol khai, bơh Jehôwa Yàng Tom Trồ bol mê dê lòt bal mơ bol mê, Kơnràñ rơp ò tŭ lơi sang bol mê hala lòi bol mê.”

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.

Esai 41:17

Ală cau rƀah lơòi mơ cau siơ̆u siar jòi dà mơya ò gơs; lơmpiat bol khai dê ro rañ tài bơh tơhìr. Mơya Yàng Jehôwa rơp ho wơl bol khai; Añ la Yàng Tom Trồ Israel dê, rơp ò sang lòi bol khai.

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

Đơs Crih 37:25

Lài añ gam kơnòm, tŭ do neh kra, Mơya añ ò gŏ cau song ring gơkòl sang lòi ò, Hala kòn sau khai dê lòt kanadàn.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Mathiơ 6:25

Behơ̆ tàng Añ đơs mơ bol mê: Bañ kơlôi rcang bơh bơta kis he dê, ñchi ai sa, ñchi ai ñô, hala bơh să jan he dê, ñchi ai soh. Bơta kis ò di la màng rlau mơ phan sa, mơ să jan ò di la màng rlau mơ phan soh ò ơ?

Đơs Crih 37:28

Bơh Yàng Jehôwa kòñ gơboh bơta song ring; Kơnràñ rơp ò sang lòi cau sàng goh Kơnràñ dê. Cau song ring geh Yàng sền gàr sùm sùm, Ai kòn sau cau iơh bơsak dê rơp kòl tơnroh.

Mathiơ 6:34

Behơ̆ gen, bañ kơlôi rcang bơh ngai hìng, bơh ngai hìng rơp kơlôi rcang ngai hìng in. Bơta bòl glar ngai lơi la tơl ngai hơ̆ in.”

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Luka 3:14

Ală cau ling kung lùp lah: “Ai bol hi ñchi bơta pal lơh taih?” Khai ho lah: “Bañ lơh rhung rhang mơ cau lơi, kung bañ yă wì cau lơi, mơya hừh nùs tĕ bơh jền tơngai bol mê dê.”

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Đơs Crih 119:36

Dan lơh nùs añ in wèt hơ ală jơnau sồr kràñ cê Yàng dê; Bañ lòi añ wèt hơ bơta hàm hà.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Lik Ejiptơ 2:21

Môise kòñ ơm mơ cau do, gen khai ai Jiphôra, kòn ùr khai dê Môise in bau.

Ephesô 5:3

Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

I Kôrintô 5:11

Mơya añ neh cih oh mi in lah bañ lơh yô mơ cau lơi sơnđan is să he la cau dòn mơ cau hơ̆ la rềs àr bơrnàn, hàm hà, duh rùp ràk, lah sơrpah, bơñul lơmbè, ntung kơñau, gen kung bañ nggui sa bal mơ cau behơ̆.

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

Rôma 1:29

Bol khai bềng lìu jơh ală bơta ò song ring, iơh bơsak, hàm hà, bih khih, bềng nùs ƀoah gơjrañ, tơnchơt cau, tòmpìt tòmhà, lac lèo, iơh rmơh,

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

Sơnròp Gơlik Gơs 31:5

Khai đơs mơ bol hơ̆ lah: “Añ gŏ mat bèp bàr nă bol ai ò di be lài òr tai, mơya Yàng Tom Trồ bèp añ jê neh ơm bal mơ añ.

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.

I Ală Bơtau 6:13

Mơ Añ rơp ơm digùl kòn sau Israel, Añ rơp ò tŭ lơi sang lòi làng bol Añ jê la Israel.”

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

Jơnau Pơnđik 23:4

Kòn bañ kong bòl glar oă nàng gơs pas sơm; ơm tĕ bañ kơnòm bơta àng loh jak chài is kòn dê.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Mathiơ 6:19

“Bol mê bañ prap lòi phan màng tòm ù, la tiah gơs mŏ tu mơ è sa siar roh, mơ cau blơ̆ tò ƀlong mut kơñau.

II Kôrintô 4:9

gơtìp kup kơryan, mơya Yàng Tom Trồ ò sang lòi; gơtìp pù lơh, mơya ò kòl tơnroh;

Sơnròp Gơlik Gơs 30:31

Laban ho lah: “Ñchi añ rơp ai mê in taih?” Jakôp ho lah: “Kồñ rơp ò gơs ai bơta lơi añ in. Dilah kồñ jat be jơnau do, gen añ rơp ê gàr mơ ròng siam ală mpồl phan kồñ dê tai sơl.