Hebrơ 13:16 - Sră Goh 2018

¹⁶ Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Hebrơ 13:16 Referans Kwoze

II Tesalônika 3:13

Ơ oh mi, oh mi bañ ruc wơl tòm bơta lơh broă niam.

Rôma 12:13

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

III Jang 1:11

Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.

Galati 6:6

Bulah behơ̆, cau lơi geh cau bơto jơnau niam he in, gen ai tĕ tòm jơh ală phan ngui sa he dê nàng pà bal cau bơto hơ̆ in.

Philemôn 1:6

Añ hòi dan mơ Kơnràñ ai bơta gơtòmklac bal tòm bơta dòn bi dê mơ tơnggơs bơta git wă jơh ală bơta niam bol he geh tòm Bơtau Krist.

Philip 4:14

Bulah behơ̆ oh mi gơs pơnah tòm bơta bòl glar añ jê, hơ̆ la niam ngan.

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

Đơs Crih 51:19

Gen Yàng rơp niam nùs bơh ală phan ơn duh khoai dô bă di pal, Phan ơn chu mơ jơh ală phan ơn chu pơrguc; Gen cau rơp ơn kơnrồ dam hơđang cơnòng duh khoai Yàng dê.