Hebrơ 12:7 - Sră Goh 2018

⁷ Oh mi kong lơh glài tơmàl, hơ̆ la Yàng Tom Trồ kòp oh mi be kòn, bơh gơs kòn lơi mơ bèp ò lơh glài tơmàl sơl ơ?

Hebrơ 12:7 Referans Kwoze

Jơnau Pơnđik 19:18

Pù tơmàl tĕ kòn mê dê tòm tŭ gam bơta gơn kơnòm; mơya bañ gơs nùs kòñ tơnchơt khai.

Yal Wơl 8:5

Gen git tĕ tòm nùs bol mê dê lah, kung be dô nă cau lơh glài tơmàl kòn khai dê gen Jehôwa Yàng Tom Trồ bol mê dê kung lơh glài tơmàl bol mê behơ̆ sơl.

Jơnau Pơnđik 29:15

Gai mơng mơ bơta lah pơrhơng ai gòi bơta jak chài; ai cau kơnòm să lòt gơlềng gơlàng lơh ƀàssìl mè khai in.

Jơnau Pơnđik 13:24

Cau lơi ò bài ngui gai mơng gơjrañ di kòn klau he; Mơya cau lơi kòñ gơboh kòn gen pal mhar lơh tơmàl khai.

Jơnau Pơnđik 29:17

Pù tơmàl tĕ kòn mê, gen khai rơp ai bơta ring lơngai mê in, mơ lơh hwềng soàn mê in geh hòn chò hừh hơh.

II Samuel 7:14

Añ rơp lơh gơs bèp khai dê, mơ khai rơp lơh gơs kòn klau Añ jê. Tòm tŭ khai tìs glài, Añ rơp lơh glài khai mơ gai mơ mơng kòn mơnus dê, pù lơh jê sồt bơh kòn mơnus.

Jơnau Pơnđik 22:15

Bơta bơrngơl gơla neh kơt tòm nùs kòn dềt; mơya mơng pù tơmàl rơp lơh bơta hơ̆ lik ngài.

I Ală Bơtau 1:6

Bèp khai ò tŭ lơi kơryan hala lùp khai lah: “Ñchi bơh tài mê lơh bơta be do taih?” Mơ tai, Adônija kung hàng klau ngan, deh tơnơ̆ mơ Apsalôm.

I Samuel 3:13

Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.

I Samuel 2:34

Bơta neh lơh nền rài kis bàr nă kòn klau mê dê, hơ̆ la Hôpni mơ Phineas, rơp lơh gơs tềl mê in, bàr nă bol khai rơp chơt bal tòm dô ngai.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.