Hebrơ 12:3 - Sră Goh 2018

³ Behơ̆, oh mi sền kơlôi tĕ di Bơtau neh kong jai jơnau sòdră bơh ală cau glài dê, tồ ală oh mi in ò bòl glar hala gơplơ̆ nùs.

Hebrơ 12:3 Referans Kwoze

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

II Kôrintô 4:16

Behơ̆ tàng bol he ò gơplơ̆ nùs, bulah cau đah bơdìh rhòi siar roh mơya cau đah dơlam kư̆ sơlo ngai sơlo tòmgơl pa.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

Jang 5:16

Bơh hơ̆ ală cau Juda kup kơryan Yàng Jesu, tài bơh Kơnràñ lơh ală bơta hơ̆ tòm ngai Saƀat.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.

Hebrơ 12:5

mơ oh mi neh hŭi jơnau bơto tơngkah kung be bơto tơngkah kòn lah: “Ơ kòn, bañ sền òsơp di bơta lơh glài tơmàl Yàng dê, Mơ bañ gơplơ̆ nùs tòm tŭ Kơnràñ lah pơrhơng;

Luka 14:1

Tòm ngai Saƀat, Yàng Jesu mut tòm hìu dô nă cau at bồ jơi cau Pharisi dê nàng sa, gen ală cau ơm tềng hơ̆ kơrhia kơp sền Kơnràñ.

Yal Wơl 20:3

Khai rơp đơs lah: ‘Ơ Israel, iat tĕ do, ngai do bol mê rơp lik lòt tòmlơh mơ ală cau sò tơm bol mê dê. Bañ gơdô nùs hala rngòt; bañ rngòt rngơt mơ rơm să di đap bol khai.

II Tesalônika 3:13

Ơ oh mi, oh mi bañ ruc wơl tòm bơta lơh broă niam.

Jang 18:22

Neh Kơnràñ đơs behơ̆ gen dô nă cau ling ơm tềng hơ̆ pah Yàng Jesu mơ đơs lah: “Mê ho behơ̆ mơ cau gơnoar dờng lam bồ ơn phan duh khoai ơ?”

Jang 8:52

Ală cau Juda đơs lah: “Bol hi git loh Cau Bơto kòl cà lơh; Abraham neh chơt, ală cau gơnoar hwơr kung behơ̆ sơl, mơ Cau Bơto đơs lah: ‘Dilah cau lơi prap gàr jơnau Añ, gen rơp ò tŭ lơi git làm bơta chơt!’

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Jơnau Pơnđik 24:10

Dilah kòn gơplơ̆ nùs tòm ngai gơlòng bòl glar, gen bơta pràn kòn dê dềt rhền ngan.

Jang 8:59

Gen bol khai dòñ lŭ nàng cơm di Kơnràñ, mơya Yàng Jesu dô pleh mơ lik bơh hìu duh khoai.

Jang 8:13

Ală cau Pharisi đơs lah: “Cau Bơto lơh cơng is bơh să tòm he, gen jơnau lơh cơng Cau Bơto dê la ò ngan.”

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

Luka 15:2

Ală cau Pharisi mơ ală cau bơto bơta boh lam yoam lah: “Cau do wă rò ală cau glài mơ sa bal mơ bol khai!”

Luka 5:21

Ală cau bơto bơta boh lam mơ ală cau Pharisi bơyai bal lah: “Cau do la ñcau mơ khin đơs tràl sơrbil behơ̆ taih? Rlau mơ Yàng Tom Trồ, ñcau rgơi toh glài taih?”

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Mathiơ 22:15

Tŭ hơ̆ ală cau Pharisi lik lòt, tòmbơyai bal nàng jòi kup tòm jơnau đơs Yàng Jesu dê.

Mathiơ 21:46

Bol khai jòi bơta nàng kup Kơnràñ, mơya rngòt di mpồl làng bol, tài bơh làng bol sơnđan Kơnràñ la cau gơnoar hwơr.

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Mathiơ 15:2

“Ñchi bơh tài ală cau bơtê Ồng dê lơh tìs bơta òs yau ală cau yau dê taih? Bơh bol khai ò rào tê lài mơ tŭ sa.”

Mathiơ 12:24

Tòm tŭ ală cau Pharisi kơno jơnau hơ̆ gen đơs lah: “Cau do mìng kơnòm di Beeljebul la bơtau cà mơ bơtrơh cà.”

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Jang 9:40

Ală cau Pharisi ơm rềp tềng hơ̆ kơno ală jơnau hơ̆, gen đơs mơ Kơnràñ lah: “Bol hi kung la cau jơngo sơl ơ?”

Jang 10:20

Oă cau tòm bol khai đơs lah: “Khai kòl cà lơh mơ sơnrang; ñchi bol mê gam iat khai taih?”

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.