Hebrơ 12:12 - Sră Goh 2018

¹² Behơ̆ pò tĕ ală tê lơbơn lơño oh mi dê mơ lơh pràn kơldang tĕ ală gơltang mprơm oh mi dê.

Hebrơ 12:12 Referans Kwoze

Esai 35:3

Lơh tĕ pràn ală mpàng tê lơbơn lơño in, lơh tĕ kơ̆ ală gơltang ơrơm in.

Hebrơ 12:3

Behơ̆, oh mi sền kơlôi tĕ di Bơtau neh kong jai jơnau sòdră bơh ală cau glài dê, tồ ală oh mi in ò bòl glar hala gơplơ̆ nùs.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Hebrơ 12:5

mơ oh mi neh hŭi jơnau bơto tơngkah kung be bơto tơngkah kòn lah: “Ơ kòn, bañ sền òsơp di bơta lơh glài tơmàl Yàng dê, Mơ bañ gơplơ̆ nùs tòm tŭ Kơnràñ lah pơrhơng;

Ejekiel 7:17

Kòp nơm tê rơp lơgah lơgañ, kòp nơm gơltang rơp lơbơn kung be dà.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

Daniel 5:6

Cau bơtau rngòt pàl jơh muh mat, rơm să ngan, bàr nơm gơltang gơtòmcik bal.

Đơs Crih 109:24

Gơltang añ lơbơn tài bơh añ ơt sa, Să jan añ gơlik rgai.

Sôphôni 3:16

Tòm ngai hơ̆, bol khai rơp đơs mơ Jerusalem lah: “Ơ Siôn! Bañ rngòt, bañ lòi tê ai dê lơbơn!