Hebrơ 12:10 - Sră Goh 2018

¹⁰ Bơh bèp đah poac să jat nùs bol khai dê mơ lơh glài tơmàl bol he dô êt jŏ; mơya Bèp đah hwềng soàn lơh glài tơmàl nàng gơs kwơ màng bol he in, tồ bol he in geh pơnah bal tòm bơta sàng goh Kơnràñ dê.

Hebrơ 12:10 Referans Kwoze

II Pier 1:4

Kung bơh bơta gơklŏ mơ bơta kơ̆ dơn hơ̆, Kơnràñ neh ai bol he in jơnau ho pơgon màng ngan mơ dờng ngan Kơnràñ dê, nàng kơnòm di bơta hơ̆ oh mi geh pleh klàs bơh di bơta ồm lề tòm dunnia gơlik bơh nùs hàm kòñ is, mơ geh pơnah tòm nùs Yàng Tom Trồ dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Lebi 19:2

“Yal tĕ jơh mpồl jơnum Israel dê mơ đơs mơ bol khai lah: ‘Sàng goh tĕ tài bơh Añ Jehôwa Yàng Tom Trồ bol mê dê, la sàng goh.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Ñìm Rac 3:33

Hơ̆ ò di la bơh nùs kòñ Kơnràñ lơh jơi kòn mơnus in bòl glar mơ jê sồt.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

Rutơ 1:3

Gen Elimelek bau klau Naômi dê chơt lòi wơl bau ùr bal mơ bàr nă kòn klau khai dê.