Hebrơ 12:1 - Sră Goh 2018

¹ Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Hebrơ 12:1 Referans Kwoze

II Timôthe 4:7

Añ neh tòmlơh bơta tòmlơh niam, añ neh ntoat sir bơta ntoat pơrlòng, añ neh prap gàr bơta dòn.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Galati 5:7

Oh mi òs ntoat jak; ñcau neh kơryan kơrdơl oh mi nàng oh mi ò dòn bơr jơnau song taih?

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

II Timôthe 2:4

Ò gơs dô nă cau lơi ơm ling mơ gam gơkòl broă rài do, lơh behơ̆ tồ niam nùs cau tòm hòi khai.

Jakơ 1:3

bơh git lah bơta lòng bơta dòn oh mi dê gơlik gơs bơta kơ̆ nùs.

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

II Pier 1:6

bơtơl bơta git kơrhia hơđang bơta git jak, bơtơl bơta ơt ơl hơđang bơta git kơrhia, bơtơl bơta duh rngòt hơđang bơta ơt ơl,

Yal Tơlik 22:16

“Añ la Jesu neh sồr cau gơnrơh añ jê lòt tus hơ bol mê nàng cèng jơnau lơh cơng do ală Hìu Jum Goh in sơl. Añ la tòm ryas mơ la kòn sau Dabit dê, la sơmañ bìng gơcrà àng drim.”

I Pier 5:12

Kơnòm di Silwan, la cau añ sền kung be dô nă oh mi dòn song, añ cih dô êt jơnau do nàng bơto tơngkah oh mi mơ lơh cơng lah do la bơta nđàc song ngan Yàng Tom Trồ dê; oh mi pal ơm kơ̆ tòm bơta nđàc hơ̆.

Esai 60:8

Ală cau hơ̆ la ñcau mơ par kung be dô puk mhwal, kung be ală sềm ntòp rê wơl hơ rsòn gơ dê, taih?

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Jang 3:32

Kơnràñ lơh cơng bơh bơta Kơnràñ neh gŏ mơ kơno, mơ ò gơs cau lơi dòp jơnau lơh cơng Kơnràñ dê.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 38:9

Mê mơ jơh ală mpồl ling mê dê, mơ mpồl oă làng bol bal mơ mê rơp guh mơ lòt hơđap kung be càl rbut; mê rơp kung be dô puk mhwal jơm gòm jơh lơgar.’”

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Luka 16:28

bơh añ gam gơs pram nă oh mi; nàng Lasarơ lơh cơng bol khai in, rngòt bol khai kung gơdùh tòm tiah pơnjê pơngkồr do mòn.’

Đơs Crih 18:23

Añ ò gơs tiah geh lah pơrhơng di đap Kơnràñ, Mơ añ kơrmap gàr să añ bơh di bơta tồi glài.

Jang 4:39

Gơs oă cau Samari ơm tòm ƀòn dờng hơ̆ dòn Kơnràñ, bơh cau ùr hơ̆ neh lơh cơng lah: “Kơnràñ neh yal añ in jơh ală bơta añ neh lơh.”

Jang 4:44

bơh să tòm Kơnràñ neh đơs nền lah dô nă cau gơnoar hwơr ò gơs cau sền dờng màng tòm lơgar tòm khai dê.

Galati 2:2

Añ neh lòt jat jơnau yal tơlik Yàng Tom Trồ dê mơ guh tềng hơ̆. Tòm bơta tìp is mơ ală cau gơnoar bơto dờng añ ràng tơlik bol khai in Jơnau Niam mơ añ neh bơto yal làng bol bơdìh in. Añ ò kòñ broă lơh añ jê lài òr mơ tŭ do gơlik gơs ò kwơ.

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Philip 1:30

oh mi kong dô bơta tòmlơh be neh gŏ añ kong mơ tòm tŭ do kơno gam gơs tòm añ sơl.

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

Sră Jop 8:10

Bol khai ò bơto mơ ò yal ồng in git ơ? Bol khai ò yal tơlik jơh ală jơnau bơh bơta git wă bol khai dê ơ?

Jơnau Niam Jat Mak 10:50

Cau jơngo sang ào bơdìh, ñă mo mơ tus hơ Yàng Jesu.