Hebrơ 11:8 - Sră Goh 2018

⁸ Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

Hebrơ 11:8 Referans Kwoze

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Rôma 10:16

Mơya ò di kòp nă cau neh kơno Jơnau Niam mơ dòn jat lơm ò; bơh Esai neh đơs lah: “Ơ Yàng, ñcau dòn jơnau bol hi bơto taih?”

Esai 41:2

Ñcau neh tơngguh dô nă cau geh pha lin bơh đah mattơngai lik, bơtào khai tòm bơta duh broă khai dê? Kơnràñ jào ală lơgar tòm tê khai, mơ jă trơm ală bơtau hơđơm jơng khai dê. Kơnràñ lơh bol khai mơ đào gơlik kung be kơmbuh ù, lơh bol khai mơ àtak gơlik be rhe ro kòl càl khồm.

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

Hebrơ 11:33

Ală cau hơ̆ bơh bơta dòn neh geh pha lin rlau mơ ală lơgar, lơh jat bơta song ring, dòp geh bơta neh ho pơgon, lềt bơr ală klìu triă,

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Jôsue 24:3

Mơ Añ neh tă tơlik ồng pàng bol mê dê la Abraham bơh lơgar đah ne hiòng mơ lam khai làm lơgar Kanaan, mơ ai khai in gơs oă kòn sau. Añ neh ai khai in Isak,

Yal Wơl 9:5

Hơ̆ ò di la tài bơh bơta song ring hala bơta song ngan bol mê dê mơ bol mê rơp dòp geh lơgar bol khai dê; mơya hơ̆ la tài bơh bơta iơh bơsak ală làng bol do dê mơ Jehôwa Yàng Tom Trồ bol mê dê rơp ting bơtrơh bol khai bơh di đap bol mê, nàng lơh gơlik gơs jơnau mơ Kơnràñ neh srat să ho mơ ală ồng pàng bol mê dê la Abraham, Isak mơ Jakôp.

Sơnròp Gơlik Gơs 26:3

Ơm ing tòm lơgar do, Añ rơp ơm mơ mê, ai lơngai mê in, mơ Añ rơp ai mê mơ jơi bơtiàn mê in jơh ală lơgar do, mơ rơp gơlik tòm toh be jơnau Añ neh ho bal mơ Abraham bèp mê.

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 15:5

Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.”

I Pier 3:1

Kung behơ̆ sơl, ơ ală cau la bau ùr, dòn duh tĕ bau klau ai di, tồ dilah gơs bau klau lơi ò dòn jat jơnau Yàng, bulah bol ai ò ai jơnau Yàng nàng bơto bol khai, mơya bol khai kung rgơi kơnòm di bơta lơh lòt bol ai dê mơ gơlik gơs cau dòn,

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Sơnròp Gơlik Gơs 11:31

Mơ Terah lam Abram, kòn klau khai dê, Lot, sau khai la kòn klau Haran dê, mơ Sarai, bau ùr Abram dê lik bơh dê Ur, lơgar Kalde dê nàng mut tòm lơgar Kanaan. Bol khai lòt tus hơ Caran gen ơm tơn tềng hơ̆.

Sơnròp Gơlik Gơs 12:5

Abram lam Sarai, bau khai, Lot, kòn cau oh khai mơ jơh ală phan mơna khai neh pơjum, mơ ală dĭ gơna khai neh geh tòm Caran, lik bơh hơ̆ nàng lòt tus hơ lơgar Kanaan.

Sơnròp Gơlik Gơs 20:13

Tŭ Yàng Tom Trồ lơh añ in nrah nring ngài bơh hìu bèp añ, gen añ neh đơs mơ khai lah: ‘Do la bơta nđàc ai rơp lơh añ in: Tiah lơi bol he rơp tus, đơs tĕ bơh añ: Hơ̆ la bi klau añ.’”

Khà Làng Bol 10:30

Khai ho wơl lah: “Ò, añ rơp ò lòt; añ rơp rê wơl hơ lơgar tòm mơ làng bol tòm añ jê.”

Mathiơ 2:21

Gen khai guh cèng kòn dềt mơ mè Kơnràñ rê wơl hơ lơgar Israel.