Hebrơ 11:6 - Sră Goh 2018

⁶ Mơ tai, dilah ò gơs bơta dòn, gen ò rgơi niam nùs Kơnràñ; bơh cau lơi lòt tus hơ Yàng Tom Trồ gen pal dòn lah gơs Yàng Tom Trồ, mơ Kơnràñ la Bơtau ai phan ƀàn ală cau in jòi jat Kơnràñ.

Hebrơ 11:6 Referans Kwoze

Jơnau Pơnđik 8:17

Añ kòñ gơboh ală cau kòñ gơboh añ, Ngan cau lơi jơh nùs jòi añ rơp bàn añ.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Luka 12:31

Mơya, jòi jat tĕ lơgar Yàng Tom Trồ dê, gen Kơnràñ rơp ai bơtơl ală bơta hơ̆ bol mê in.

Đơs Crih 119:10

Añ jơh nùs jòi jat Yàng; Dan Yàng bañ lòi añ tìs nrah ngài bơh ală bơta sồr lam Kơnràñ dê.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Rôma 10:14

Mơya bol khai òhềt dòn Kơnràñ gen mbe rgơi hòi dan taih? Òhềt kơno đơs bơh Kơnràñ, gen mbe rgơi dòn taih? Dilah ò gơs cau bơto yal gen mbe rgơi kơno taih?

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

Đơs Crih 73:28

Mơya đah mơ añ, niam añ in ơm rềp mơ Yàng Tom Trồ; Añ neh bơtào Yàng Jehôwa la tiah kìng crŭ añ jê, Nàng añ yal wơl bơh jơh ală broă Kơnràñ dê.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

II Pier 1:5

Tài bơh hơ̆ oh mi pal jơh nùs bơtơl bơta kơ̆ dơn hơđang bơta dòn, bơtơl bơta git jak hơđang bơta kơ̆ dơn,

Hebrơ 4:6

Ală cau sơnròp neh kơno Jơnau Niam hơ̆ ò geh mut tòm tiah rlô tài bơh bol khai ò dòn; bulah behơ̆, gam gơs cau ndai geh gơnoar mut tềng hơ̆.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

II Pier 3:14

Behơ̆ gen, ơ ală cau kòñ gơboh, bơh ală oh mi kơp gơn ală ngai hơ̆, gen ngac ngar tĕ nàng tòm tŭ ơm di đap mat Yàng, gen oh mi geh bơta lơngap lơngai, ò gơs tềl ƀơ̆, ò gơs tiah geh lah pơrhơng.

Khà Làng Bol 14:11

Yàng Jehôwa đơs mơ Môise lah: “Nđò jŏ làng bol do gam sền òsơp di Añ taih? Nđò jŏ bol khai gam ò bài dòn di Añ bulah Añ neh lơh jơh ală tềl krơi digùl bol khai taih?

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

II Pier 1:10

Behơ̆, ơ oh mi, jơh nùs tĕ rlau tai nàng lơh nền cê bơh bơta Yàng hòi sac mơ sac rwah he; dilah lơh bơta hơ̆ gen oh mi ò gơs tŭ lơi gơtup tìs.

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

Đơs Crih 78:32

Bulah gơs ală bơta hơ̆ bol khai gam tìs glài, Bulah gŏ ală broă crih crài Kơnràñ dê bol khai kung ò dòn.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Khà Làng Bol 20:12

Mơya Yàng Jehôwa đơs mơ Môise mơ Arôn lah: “Tài bơh bol mê ò dòn kơnòm di Añ, nàng ràng tơlik Añ la sàng goh di đap ală cau Israel, bol mê ò cèng mpồl jơnum do mut tòm lơgar Añ ai bol khai in.”

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Jơnau Niam Jat Mak 16:17

Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs,

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 7:9

Bồ Epraim dê la Samari, bồ Samari dê mìng la kòn klau Remalia. Dilah bol mê ò ơm kơ̆ tòm bơta dòn, gen bol mê rơp ò tŭ lơi ntào jai wil tơl.’”

Đơs Crih 58:11

Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Đơs Crih 106:24

Bol khai sền òsơp di lơgar hàng mơnĕ, Ò dòn jơnau ho pơgon Kơnràñ dê.

Sră Jop 21:14

Bol khai đơs mơ Yàng Tom Trồ lah: ‘Lòi tĕ dò bol hi, bol hi ò kòñ git ală gùng dà Kơnràñ dê.

Đơs Crih 78:22

Tài bơh bol khai ò gơs bơta dòn di Yàng Tom Trồ, Kung ò dòn kơnòm di gơnap gơnoar dong klàs Kơnràñ dê.

Rutơ 2:12

Dan Yàng Jehôwa tơm wơl ai in jat ală bơta ai neh lơh. Dan ai in dòp geh phan ƀàn dờng tus bơh Jehôwa la Yàng Tom Trồ Israel dê, hơđơm pơnđar Bơtau hơ̆ ai neh tus kìng crŭ.”

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.