Hebrơ 11:5 - Sră Goh 2018

⁵ Bơh bơta dòn Enôk geh cèng guh hơđang trồ ò gan bơta chơt; cau ò gam gŏ khai tai, bơh Yàng Tom Trồ neh cèng khai guh hơđang. Bơh lài mơ tŭ hơ̆ khai neh geh lơh cơng la niam nùs Yàng Tom Trồ.

Hebrơ 11:5 Referans Kwoze

Jude 1:14

Hơ̆ kung tài bơh bol khai mơ Enôk la cau neh poh rài bơh Adam, neh đơs hwơr lah: “Ne, Yàng tus bal mơ tơlak tơmàn cau sàng goh Kơnràñ dê,

II Ală Bơtau 2:11

Tòm tŭ bol khai lòt ndang tòmbơhbơr ndang, gen gơs dô nơm rơndeh ồs mơ ơseh ồs cah is bàr nă bol khai; Eli guh hơ trồ tòm dô nơm càl wàl bong.

Hebrơ 11:6

Mơ tai, dilah ò gơs bơta dòn, gen ò rgơi niam nùs Kơnràñ; bơh cau lơi lòt tus hơ Yàng Tom Trồ gen pal dòn lah gơs Yàng Tom Trồ, mơ Kơnràñ la Bơtau ai phan ƀàn ală cau in jòi jat Kơnràñ.

Đơs Crih 89:48

Ñcau la cau kis mơ rơp ò gŏ bơta chơt taih? Ñcau rgơi dong tă hwềng soàn he klàs di gơnoar lơgar Làng ƀồc taih? (Selah)

I Jang 3:22

mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.

I Tesalônika 2:4

Mơya jat be Yàng Tom Trồ neh dòp bol hi la di pal ngan nàng jào Jơnau Niam bol hi in, gen bol hi đơs, ò di tồ niam nùs cau, mơya nàng niam nùs Yàng Tom Trồ, la Bơtau sền sơwì nùs bol hi.

Luka 3:37

Lemek kòn Metusela, Metusela kòn Henok, Henok kòn Jeret, Jeret kòn Mahalalel, Mahalalel kòn Kenan,

Jeremi 36:26

Bơtau ai gơnoar sồr Jerakmel, kòn klau Hamelek, mơ Seraya, kòn klau Asriel, mơ Selemia, kòn klau Apdiel, lòt kup cau gơnoar cih Baruk mơ cau gơnoar hwơr Jeremi; mơya Yàng Jehôwa pồn bàr nă dĭ gơna Kơnràñ dê.

II Ală Bơtau 2:1

Tòm tŭ Yàng Jehôwa mòr cèng Eli guh hơđang trồ tòm dô nơm càl wàl bong, Eli mơ Elise gam lòt gùng bơh Gilgal.

Luka 2:26

Khai neh gơs Yàng Hwềng Goh yal tơlik is lah, khai rơp ò chơt lài mơ tŭ gŏ Bơtau Krist Yàng dê.

Hebrơ 2:9

Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.